勝香園

营业中

休息中

是日專門嚟勝香園吃早餐，因為過咗10點之後，呢度例牌要排隊，至於排幾耐，真係睇運氣，所以8點開門準時到達...以前係中環返工，早嘅話都會嚟勝香園吃個早餐，勝香園大部分嘅通粉，公仔面等等都係以蕃茄汤做汤底，所以是日就點咗個茄蛋通，勝香園嘅蕃茄汤底係好濃蕃茄味道，而且加入好多蕃茄茸伴汤，所以汤底蕃茄味特別濃郁...諗住加多件公司三文治，俾告知原嚟已經無做公司三文治喇，不過就推薦我試下新出嘅吞拿魚三文治，不過都係穩字行頭，吃翻件有保證嘅奶油脆脆，金黃色嘅奶油脆脆，真係脆到你唔信！，