Cobber Noodle and Waffle

营业中

休息中

之前食過cobber本店留下好印象，分店位置唔算方便，兜兜轉轉嚟到見到近乎滿座，未食已經感覺到係好嘢。蒜香牛油雞翼有好大驚喜，一黎到牛油蒜香味好濃，雞翼上面鋪滿哂熟蒜，煮開餸就覺得好有心機，因為比起生蒜或者炸蒜，時間要控制得好好先唔會苦或者過火變脆，非常香口好味。 雞翼本身好脆好入味又多汁，我會為左佢再黎。千島醬慢煮雞肉香草 Pizza多料到好似每一片都有原塊即食雞胸size咁，好澎湃。 雞胸肉好嫩滑，海量千島醬、芝士同洋蔥嘅組合冇可能唔好食，啖啖肉好爽。cobber忌廉茄粒醬肉丸意粉係好熟悉傳統港式茄醬嘅味道，甜甜地好開胃，肉丸都做得唔錯，朋友好欣賞。香蕉朱古力竹炭糯米窩夫非常酥脆香口，鍾意竹炭清新嘅香氣同糯米煙煙韌韌嘅口感，香蕉朱古力味道唔算好突出，但窩夫本體非常出色，值得encore。