白鬍子炸魚薯條 (已結業)

中環7號碼頭係平時放工必經之路，唔想係放工時段同人迫住巴士地鐵咁返到九龍，就一定係撘船。但係每一次經過碼頭個陣都會聞到一陣極邪惡嘅炸香味，就係今日要介紹嘅依間white beard fish&chips 啦，難得今日有時間所以決定同朋友去試一試係咪真係咁邪惡！鋪頭嘅位置十分易搵，只要沿住中環7號碼頭行入2步就即刻見到大大個招牌同門面，十分方便！今日我地點左嘅主菜有炸鱈魚薯條同雙重芝士薯條，即然黎得一間賣炸魚薯條嘅地方，點都要試下佢地嘅招牌！由於所有嘅食品都係即叫即炸嘅關係，所以等餐需要些少時間，薯條炸出黎好脆好實心，唔似一般快餐店咁軟哂，加上極邪惡嘅芝士，真係睇見都流哂口水！而炸魚就厚度十足，絕無偷工減料，而且充滿肉汁，真係食到停唔到口！然後我地就叫多左2款小食，魷魚圈籃同美式熱狗，魷魚咬落口就感受到魷魚嘅鮮同彈牙，十分適合一啲唔想食太飽嘅人去試下！另外美式熱狗就真係抵食之選！厚厚嘅面皮將熱狗包住，配撘上烤得微脆嘅外皮，兩種矛盾嘅口感真係會令你不知不覺間食哂成份熱狗！最後以店入面嘅冰菠蘿特飲同檸檬蜂蜜作結，清新嘅調配將成餐累積落黎嘅油膩感一掃而空！如果有機會嘅之後一定會再試！