影片
更多
2023-04-26
936 浏览
之前係上環呢頭返工，一直都好想試呢間Omkase, 同朋友講起，原來真係好唔錯，所以今日前定黎試下。黎到感覺就好舒服，店舖細細但啲人都好有禮貌，特別係師傅，好有耐心講解，同見佢地專注咁煮理，真係好犀利。頭盤：海膽豆腐，清酒花螺，螢光魷魚超肥美，時令野果然美味。櫻花蝦蒸蛋，真係好多櫻花蝦，一打開蓋已勁香，蛋又滑。肥美既岩手蠔配紅色四季海草。栗子蟹肉(食栗子大既蟹真係會甜啲)配魚䰵。煙燻櫻木鮫蝶魚配三文魚䰵，第一次食超正，而且視覺效果煙燻好吸引。北海道新鮮燒帶子，真係同急凍好唔同，咬落一絲絲既帶子肉都清晰可見。估唔到八爪魚都可慢煮，慢煮八爪魚配山椒葉，香味真係好特別。 八爪魚用70° 慢煮2個鐘，真係比得上鮑魚美味。再有6款壽司：三星漬壽司，赤背壽司配青檸汁，牡丹蝦蝦膏壽司，西京銀雪魚壽司配京燒汁(真係第一次食到係壽司), 拖羅壽司配淡雪鹽，淡雪鹽用米紙壓成，輕微既鹽味更好帶出拖羅既鮮味。北海道浦松海膽壽司。鮮舞茸菇，松茸生漿，松茸打碎配魚蓉而做成，真係好少有，湯仲用左蓴菜，成湯清新得黎又健康。甜品Wasibe雪糕： 糯米做既最宗餅，係日本貴族名物，單食有少許苦，但配埋新鮮wasibe雪糕
黎到感覺就好舒服，店舖細細但啲人都好有禮貌，特別係師傅，好有耐心講解，同見佢地專注咁煮理，真係好犀利。
頭盤：海膽豆腐，清酒花螺，螢光魷魚超肥美，時令野果然美味。
櫻花蝦蒸蛋，真係好多櫻花蝦，一打開蓋已勁香，蛋又滑。肥美既岩手蠔配紅色四季海草。栗子蟹肉(食栗子大既蟹真係會甜啲)配魚䰵。煙燻櫻木鮫蝶魚配三文魚䰵，第一次食超正，而且視覺效果煙燻好吸引。北海道新鮮燒帶子，真係同急凍好唔同，咬落一絲絲既帶子肉都清晰可見。
估唔到八爪魚都可慢煮，慢煮八爪魚配山椒葉，香味真係好特別。 八爪魚用70° 慢煮2個鐘，真係比得上鮑魚美味。
再有6款壽司：三星漬壽司，赤背壽司配青檸汁，牡丹蝦蝦膏壽司，西京銀雪魚壽司配京燒汁(真係第一次食到係壽司), 拖羅壽司配淡雪鹽，淡雪鹽用米紙壓成，輕微既鹽味更好帶出拖羅既鮮味。北海道浦松海膽壽司。
鮮舞茸菇，松茸生漿，松茸打碎配魚蓉而做成，真係好少有，湯仲用左蓴菜，成湯清新得黎又健康。
甜品Wasibe雪糕： 糯米做既最宗餅，係日本貴族名物，單食有少許苦，但配埋新鮮wasibe雪糕就會去左苦味，而keep到wasibe既清香，甜得黎有少少辛辣，好清新同特別。 再有埋日本出名既哈蜜瓜。 今餐omakase超完滿同滿足。
张贴
