影片
更多
2019-09-17
169 浏览
今晚決定食番餐素，一路都有係網上見到好多關於呢間素食自助餐既資料，今日就同媽媽黎食。呢度裝修真係同其他素食餐廳比，真係grand好多，而且侍應都係西裝畢挺。呢度既枱同凳都感覺係好落重本。牆上有四幅代表春夏秋冬既畫，原來係手畫既。老闆見我地咁好奇，就主動介紹呢度既由來，原來老闆以前係做左好多年日本餐廳既，後來就受糖尿病既朋友鼓勵，開左呢間素食餐廳。呢度既廚師都大有來頭，有做左二十幾年日本料理既師傅，又有來自寶蓮寺既素菜師傅。有呢個陣容，唔怪得知啲食物咁高質啦！首先一黎到就有呢個鮑魚，仲有呢個煲足四個鐘既湯，超有味！呢度主打既壽司真係色彩繽紛，好多款色，當中以花之戀最受歡迎，成日一出就被搶曬。熱食都有好多款色，瓜菜菇應有盡有。當然唔少得炸物，同埋焗既小食，有pizza、南瓜餅、同唔同既天婦羅。甜品方面，呢度就無啲蛋糕或者撻，反而係有焦糖燉蛋！又係每次一出要嚴陣以待去出手啊。真係似模似樣，個蛋仲用左薑汁添。另外有呢個西米芋圓，芋圓好多款色，食落好Q彈，面頭仲有仿燕窩既珊瑚草添！呢度場地超大，仲有包房可以約埋朋友要番啲私人空間。原來呢度仲有做外賣，午市$48，晚市$88可以攞餐廳提供既盒去任夾
呢度裝修真係同其他素食餐廳比，真係grand好多，而且侍應都係西裝畢挺。呢度既枱同凳都感覺係好落重本。牆上有四幅代表春夏秋冬既畫，原來係手畫既。
老闆見我地咁好奇，就主動介紹呢度既由來，原來老闆以前係做左好多年日本餐廳既，後來就受糖尿病既朋友鼓勵，開左呢間素食餐廳。呢度既廚師都大有來頭，有做左二十幾年日本料理既師傅，又有來自寶蓮寺既素菜師傅。有呢個陣容，唔怪得知啲食物咁高質啦！
首先一黎到就有呢個鮑魚，仲有呢個煲足四個鐘既湯，超有味！
呢度主打既壽司真係色彩繽紛，好多款色，當中以花之戀最受歡迎，成日一出就被搶曬。
熱食都有好多款色，瓜菜菇應有盡有。
當然唔少得炸物，同埋焗既小食，有pizza、南瓜餅、同唔同既天婦羅。
甜品方面，呢度就無啲蛋糕或者撻，反而係有焦糖燉蛋！又係每次一出要嚴陣以待去出手啊。真係似模似樣，個蛋仲用左薑汁添。
另外有呢個西米芋圓，芋圓好多款色，食落好Q彈，面頭仲有仿燕窩既珊瑚草添！
呢度場地超大，仲有包房可以約埋朋友要番啲私人空間。原來呢度仲有做外賣，午市$48，晚市$88可以攞餐廳提供既盒去任夾自己想食既食物，都幾正！
张贴
