柞木炭家

营业中

休息中

同朋友喺旺角睇完戲，就去咗旺中行街行街。發現佢起3樓個到有條天橋仔接駁左去隔離嘅新商場。依個新商場又幾年青化。重有幾間望落吾錯既餐廳而家餐廳同其他韓燒都有少少相似，同樣都係前菜係無限Refill♾️但係當中令我最覺得驚訝🙀就係前菜竟然有醃魷魚餐牌上嘅選擇都有好多，大少樣樣都想食，擔擔味噌茄子🍆即係我都好鍾意韓國味噌，配埋茄子作為前菜就啱啱好。和牛三文治將厚切牛扒夾在烘了麵包之中，食落口真係非常之邪惡，果真是啖啖肉。韓式豬腸我一向都好鍾意食豬腸，一放落鐵板發出治治聲，燒到外皮香脆就可以食得。濟州大八爪魚我哋係俾佢個名吸引咗，上枱嘅時候其實本身都冇諗過咁大隻。食材好，就算單單咁樣用鹽調味已經好好食韓式牛肋骨燒肉有得揀有調味或者冇調味嘅，但係我覺得推介醃製咗嘅牛肋骨，因為韓式將甜甜地，食落更加惹味。水冷麵食燒肉成日都覺得食到一半會開始油膩，所以我同大少都會習慣叫個水冷麵黎解膩一下。雞蛋糕本來已經食到好飽，但係店員推介我哋試吓依個甜品，你知啦甜品用第二個胃食㗎嘛，加咗蜂蜜嘅雞蛋糕，口感濕軟，我都食左3件😂餐廳同一貫韓燒大致相同，店員都會主動過嚟協助我哋燒肉，即會主動同我哋換燒板。