影片
更多
2017-06-27
223 浏览
我媽咪鍾意飲咖啡，咁岩我地當日喺佐敦有嘢做，就喺嗰度附近諗住搵一間坐得舒適嘅咖啡室坐低飲下咖啡食個包，睇過open rice見有好多焦點食評，諗住都唔錯啦，點知去到真心覺得唔值，入到去個環境都舒適嘅，當日唔係好多人，只係得四台客連埋我哋，我行過去order啦，個男嘅已經流晒鼻涕，但係都唔用紙巾伸左佢，由得佢發出吸鼻水的聲音，做飲食業其實最忌諱就係咁樣，我唔知佢係咪病，但係如果真係病係需要戴口罩，同埋如果有鼻水就要伸左佢，呢個係做飲食業最基本嘅常識吧。Order完後安心咁等我哋嘅餐點，但係等左我諗起碼15分鐘或以上都未有任何野出，咁我諗可能都係coffee Shop慢啲都正常嘅，耐心等啦，等左好耐我個餐終於到，最好笑係個bagel到先，然後嗰個咖啡好耐先上，大佬呀得四台客，仲要係另外果三台都已經食哂野係度吹水，你只係服務我地一台，呢個時間未免等得太耐了吧。都算，到我阿媽嗰份簡直係離譜，我哋等了又等，我果份餐連咖啡慢慢食都已經食晒起碼半個鐘或以上我阿媽份嘢都未有影，後期等左好耐終於出到一杯野，咁我哋好開心咁影晒相啦，因為個拉花都幾得意，點知嗰個流鼻水侍應生行過黎，同我地講呢杯咖啡唔係我地點
Order完後安心咁等我哋嘅餐點，但係等左我諗起碼15分鐘或以上都未有任何野出，咁我諗可能都係coffee Shop慢啲都正常嘅，耐心等啦，等左好耐我個餐終於到，最好笑係個bagel到先，然後嗰個咖啡好耐先上，大佬呀得四台客，仲要係另外果三台都已經食哂野係度吹水，你只係服務我地一台，呢個時間未免等得太耐了吧。
都算，到我阿媽嗰份簡直係離譜，我哋等了又等，我果份餐連咖啡慢慢食都已經食晒起碼半個鐘或以上我阿媽份嘢都未有影，後期等左好耐終於出到一杯野，咁我哋好開心咁影晒相啦，因為個拉花都幾得意，點知嗰個流鼻水侍應生行過黎，同我地講呢杯咖啡唔係我地點個杯，我哋嗰杯整緊，問我地呢杯飲唔飲，都傻嘅我哋order嗰個都唔係呢樣野點飲啊，然後我哋話唔係我地點嗰杯我哋唔飲，我問佢我地杯咖啡要等幾耐，佢話好快，跟住佢將我哋呢杯錯咗嘅咖啡，比另外一台客，原來佢送錯咖啡，大家點嘅嘢都唔係多，唔明點解佢連少少野都記唔到。
我阿媽見佢哋幾個人有講有笑，都唔似整緊早餐，就問佢哋嗰份早餐有未，佢哋先至一言驚醒咁樣，醒起原來仲有一份餐未整，然後嗰個流鼻水嘅侍應生行過嚟同我地講話唔好意思，因為電腦出唔到單所以漏左，我果下真係有點嬲，因為呢個唔係理由，我哋兩個人order咗兩份餐,兩杯嘢飲，其餘果三台都已經係食晒野，點解佢連我哋呢兩份餐嘅記憶都冇，成件事我覺得好匪夷所思，根本唔似係有心去經營，一個好嘅餐廳唔只係食物，其實服務都好緊要，俾我嘅話我已經係冇下次，亦都唔會介紹俾身邊嘅朋友去嘗試。
$181
18 浏览
0 赞好
0 留言
张贴
