影片
更多
2023-12-28
933 浏览
前几日天气最冻谂住喺九龙城食打边炉见到舖头仲有位就入咗去坐低见到门口𠮶个事头婆已经态度极差因为门口𠮶张枱有对情侣想掉入啲嘅枱冇咁冻明明有枱都唔俾佢调态度极差咁话：「冇位呀！唔坐就出去再排过！」心谂都唔关我事就继续食嘢食食吓觉得伏伏地所谓嘅沙嗲火锅真系好重味精一路食一路非常口渴加水系用清水而且最贵𠮶碟牛肉都靭到不得了吞唔到咁滞难食到呕最重要嘅系食食吓嘢嘅时候抬头一望见到有只超巨型曱甴🪳喺我小朋友头顶天花爬紧我即刻叫佢哋弹开再攞部电话影低跟住个不知所谓嘅事头婆见到我影相一轮嘴咁闹一啲唔好意思都冇！仲闹我：「拍咩拍拍拍，今晚咁大风，喺出面飞入嚟咋嘛！唔好喺度搞事！」一轮嘴喺度闹我影佢啲罪证（但我亲眼见只曱甴系冷气机嘈爬出黎）跟住佢就揾张纸巾捉咗只曱甴🪳就咁掉出门口好彩我睇到叫小朋友弹开啫如果唔系有机会跌落个小朋友个身度或者跌落我张枱度奉劝各位唔想贴钱买难受千祈唔好帮衬呢间垃圾食店尤其是𠮶个不知所谓嘅事头婆简直系赶客 ！
前几日天气最冻谂住喺九龙城食打边炉
见到舖头仲有位
就入咗去坐低
见到门口𠮶个事头婆已经态度极差
因为门口𠮶张枱有对情侣想掉入啲嘅枱冇咁冻
明明有枱都唔俾佢调
态度极差咁话：「冇位呀！唔坐就出去再排过！」
心谂都唔关我事就继续食嘢
食食吓觉得伏伏地
所谓嘅沙嗲火锅真系好重味精
一路食一路非常口渴
加水系用清水
而且最贵𠮶碟牛肉都靭到不得了
吞唔到咁滞
难食到呕
最重要嘅系食食吓嘢嘅时候
抬头一望
见到有只超巨型曱甴🪳喺我小朋友头顶天花爬紧
我即刻叫佢哋弹开
再攞部电话影低
跟住个不知所谓嘅事头婆见到我影相
一轮嘴咁闹
一啲唔好意思都冇！
仲闹我：「拍咩拍拍拍，今晚咁大风，喺出面飞入嚟咋嘛！唔好喺度搞事！」
一轮嘴喺度闹我影佢啲罪证
（但我亲眼见只曱甴系冷气机嘈爬出黎）
跟住佢就揾张纸巾捉咗只曱甴🪳
就咁掉出门口
好彩我睇到叫小朋友弹开啫
如果唔系有机会跌落个小朋友个身度
或者跌落我张枱度
奉劝各位唔想贴钱买难受
千祈唔好帮衬呢间垃圾食店
尤其是𠮶个不知所谓嘅事头婆简直系赶客 ！
张贴
