影片
更多
2020-07-09
2743 浏览
呢間泰菜係旺角都幾有名，出名又平又大碟，又唔收加一，今日就同朋友仔試下啦我地已經6點左右到，餐廳都好多客人！原來仲有二樓㗎，6點已經要開二樓，好旺場呢！餐廳基本上全部都係大圓枱，二人就要搭枱，不過全部枱都加哂大珍珠檔版，所以搭枱都唔會好尷尬。。睇下食乜好啦，種類有好多小食拼盤:有雞翼，蝦餅，魚餅，春卷，全部即點即炸，新鮮熱辣。好欣賞個魚餅，咬入口有汁咇出嚟，不過偏咸。蝦餅食入口好彈牙。春卷入面包住粉絲好特別呢！香芒蟹肉炒飯:呢個炒飯一上枱已經聞到好香！飯炒到一粒粒唔係一pat pat㗎，唔濕好乾身。材料就唔算好多，不過食入口唔油膩，好香口，芒果酸酸甜甜好開胃。仲有睇落好少飯咁，其實好多㗎！火山軟殼蟹法包：哇！好大份，有3大件軟殼蟹係面，仲有大大個法包。加上滿到瀉嘅咖哩，必點！軟殼蟹炸到脆卜卜，個咖哩汁味道香濃，配上雜菜，正丫！但汁唔辣，成個法包吸哂啲汁，每啖都有咖哩包住。真係好大份，真心建議多人先嗌，我同朋友兩個人完全食唔晒。其實啲汁可以嗌多個飯撈嚟食，不過我地真係太飽啦！龍眼冰：呢杯野飲就不過不失啦，不過龍眼肉就小左啲，但就唔會太甜，岩岩好，多啲龍眼肉就更好✌🏻呢度環境舒適，唔會坐到
我地已經6點左右到，餐廳都好多客人！原來仲有二樓㗎，6點已經要開二樓，好旺場呢！餐廳基本上全部都係大圓枱，二人就要搭枱，不過全部枱都加哂大珍珠檔版，所以搭枱都唔會好尷尬。。
睇下食乜好啦，種類有好多
小食拼盤:
有雞翼，蝦餅，魚餅，春卷，全部即點即炸，新鮮熱辣。好欣賞個魚餅，咬入口有汁咇出嚟，不過偏咸。蝦餅食入口好彈牙。春卷入面包住粉絲好特別呢！
香芒蟹肉炒飯:
呢個炒飯一上枱已經聞到好香！飯炒到一粒粒唔係一pat pat㗎，唔濕好乾身。材料就唔算好多，不過食入口唔油膩，好香口，芒果酸酸甜甜好開胃。仲有睇落好少飯咁，其實好多㗎！
火山軟殼蟹法包：
哇！好大份，有3大件軟殼蟹係面，仲有大大個法包。加上滿到瀉嘅咖哩，必點！軟殼蟹炸到脆卜卜，個咖哩汁味道香濃，配上雜菜，正丫！但汁唔辣，成個法包吸哂啲汁，每啖都有咖哩包住。真係好大份，真心建議多人先嗌，我同朋友兩個人完全食唔晒。其實啲汁可以嗌多個飯撈嚟食，不過我地真係太飽啦！
龍眼冰：
呢杯野飲就不過不失啦，不過龍眼肉就小左啲，但就唔會太甜，岩岩好，多啲龍眼肉就更好✌🏻
呢度環境舒適，唔會坐到好迫。
員工都幾有禮貌。食物份量真係幾大份，又唔收加一，幾抵食
张贴
