爆丼屋 (已搬遷) 新店位置

旺角的長龍店，每一次夜晚經過都有一大堆人喺門口等位，去到深宵仲有人等位，可能夜晚佢開得比較夜。之前嚟過等位都要等好耐，坐滿晒人的話啲位比較窄，坐得唔係太舒服。今日下午避開食飯時間去食返個日本丼，冇人唔使等位，坐得比平時舒服。叫左個火焰盛丼（$145），送一個味噌湯。這裏的丼出名大大碗，魚生足料及夠新鮮，今次都冇失望！火焰盛丼：一放低就已經聞到香香炙燒過的味道，食物鋪排精美，好大碗，有三文魚、 帆立貝、松葉蟹棒及左口魚裙邊，飯上面仲有一粒流心蛋黃，經過火槍燒至半熟，暖暖地，入口都會嚐到灸燒的味道，刺身新鮮，特別是左口魚裙邊非常鮮甜，但係帆立貝比想像中細粒，兩塊紫菜放在旁邊，所以唔會腍晒，壽司飯軟硬適中，份量多！