金田家 (已結業)

係荃新天地一期新開左金田家呀，又可以朝聖了。呢度中午太多人食，所以我地好醒目，6點過黎，趁人地未放工，舒服地食左先。睇下有咩好食先，金田家有新產品，除左拉麵，有飯類可以選。落左單，有前菜送，食住等先！激辛拉麵，有三片腩肉叉燒，半肥瘦，正！個湯底辣味夠之餘，又啱香港人口味，加埋軟硬適中既麵條，食完成個人爽晒。柚子辛口拉麵，有3片超大黑豚叉燒，啱晒大食既叉燒控。呢個湯底真係食到柚子味架，係微辣既湯底中滲出清新既柚子味，好特別！仲可以加錢追加食物，點少得糖心蛋呢，追加黑豚叉燒大大塊，好鍾意。男爵薯餅，炸得又脆又香口，都係大大件，好抵食！仲有牛肉餡同紫薯甘栗餡兩個口味添。飲品叫左蘋果汁同玄米茶。