尚香 (已結業)

上星期食唔到呢個蟹黃湯包，極唔忿氣之下，反正今日要去旺角做少少公事，就諗住去撞下手神，睇下有冇機會食到人個人人都讚不絕口嘅大大湯包雖然店仔細細，但係一啲都唔難搵，喺廣華街嗰邊可能要放晚先開始多人，今日去到好開心無乜人，唔駛等太耐一嚟梗係要點個出名嘅蟹黃湯包先喇，跟住就重有係佢地另一個出名小吃，糯米燒賣蟹黃湯包 – 大大個湯包，Cashier隔離有好多飲管提供俾客人去飲湯包入面啲湯，記住，好熱架，要慢慢小心飲，湯包入面個湯好鮮甜，飲完湯包啲湯之後，就可以食入面啲肉，入面主要係蟹肉、蟹膏，同平時小籠包唔同，入面係無豬肉記住唔好怕熱等佢凍先飲啲湯呀，因為凍咗會有少少腥，話晒都係海鮮嘛~糯米燒賣 – 為咗一試佢嘅美好，我決定等佢15分鐘，因為呢個係即叫即蒸，新鮮熱辣咁食，燒賣皮包住滿滿嘅糯米，糯米好夠味，雖然燒賣頂上面皮比較厚，但係底部比較薄，一咬即裂開，唔怪得佢係第二出名