大壹燒鵝 (登輝大廈)

营业中

休息中

今日星期日午餐去咗大壹燒鵝食，1點幾唔洗等。餐牌有燒味單雙拼飯，燒鵝單雙拼飯。飯可轉米粉，瀨粉，河粉。可加錢要飲品。燒鵝 半隻 $248上次無原隻燒鵝賣，今次終於有。燒鵝半隻賣相不俗，可惜唔暖，凍凍地上枱。食落皮都有少少脆，脂肪都算唔太多，不過油脂豐富，食完塊皮就成口油。鵝髀肉最好食，夠嫩。鵝胸多肉食，其他部位就偏韌。另上甜醬。總括而言，唔夠熱，失望。燒味雙拼瀨粉 $58今次叫咗叉燒同燒腩仔瀨粉，叉燒同燒腩仔會分開上。半客叉燒有5舊，係燶邊既，食落質感味道都唔錯，又淋又蜜味，肥位唔少。燒腩仔半客有5件，非常肥美，半肥瘦，所以好淋，塊皮都有少少薄脆，點黃色芥末更好味。伴有少少鹹菜。瀨粉大碗，滑溜彈牙，有葱花。燒味雙拼飯 $58燒味雙拼飯叉燒同燒腩仔飯質素都差唔多，不過個人唔鍾意白飯，飯量好多。總括而言，普通燒味比燒鵝好食。