L'AMOUR

营业中

休息中

Item: L'AMOUR
Rating: 0
Author: eataroundhker

4.5

1200 食记

味道

环境

服务

卫生

抵食

29524

太和

$401-800

法国菜西式私房菜

1091

eataroundhker

等级3

係香港真係比較少食法國餐，尤其是係大埔冇諗過會有咁有情調既法國餐廳🫰🏻咁因為最近放大假但無得去旅行，所以決定留港消費！就決定試下呢間法國餐廳🥳🥳🥳

一去到餐廳門口嗰陣，第一樣嘢令我覺得有驚喜嘅就係，佢對門！！因為對門關上嘅時候，無論喺身處餐廳出邊定係入邊都唔會望到對岸嘅人😂我自己十分之欣賞呢個設計，因為可以比喺餐廳入邊嘅客人專心咁同你嘅朋友食飯，唔會比街外邊嘅人事搶咗focus。二黎，唔使比出邊經過嘅路人望住你食飯，呢樣嘢十分之加分👍🏻👍🏻

而入到餐廳裡邊，同樣都係令我覺得有驚喜，因為一入到間餐廳已經望到有一盞好大好豪華好靚既玻璃吊燈，再加上本身餐廳環境偏暗，所以完全比佢吸左睛🥳跟住第二樣野望到既就係佢既吧枱，吧枱後邊嘅酒櫃擺滿咗好多唔同種類同埋牌子嘅酒，再加上成個吧枱金黃黃好似識發光咁，同樣都好吸睛🫰🏻🫰🏻

喺食物方面，我哋就叫咗焦糖法國鵝肝撻、檸檬忌廉汁蟹餅、法式龍蝦湯、焦糖蘋果慢煮西班牙黑毛豬鞍同埋法式香料烤龍蝦海鮮薏米飯😋😋😋😋

焦糖法國鵝肝撻⭐️⭐️⭐️⭐️⭐️

呢個鵝肝撻好好食👍🏻一嚟到上枱嗰陣，已經覺得佢個擺盤好靚好有心機，令到我有更加想食嘅感覺，因為一個靚嘅擺盤係會增加人嘅食慾🫰🏻而且佢兩嚿鵝肝嘅size都十分之大，唔會咬一啖就食哂成嚿冇咗咁🥳而佢鵝肝嘅質素都好好，食落真係好似入口即溶咁同埋有好重嘅鵝肝味，再配埋塊多士一齊食，成個口感我同埋味道都好似昇華咗，而且唔會覺得好膩好濟😋

檸檬忌廉汁蟹餅⭐️⭐️⭐️⭐️⭐️

個蟹餅都一樣好好食😋😋😋首先擺盤都係好靚，好有心思🥳而嚿蟹餅本身成舊都係炸既，返去配埋佢嗰個檸檬忌廉汁，就會令到成個蟹餅唔會好乾身，反而好juicy👍🏻而個蟹餅裡邊基本上全部都真係蟹肉嚟嘅，超級超級足料，每食一啖都好似食緊蟹肉咁❤️值得讚🫰🏻🫰🏻

法式龍蝦湯⭐️⭐️⭐️⭐️

睇得出佢個法式龍蝦湯都好有心機去整，佢個湯就整到好似人哋整咖啡咁，上面會有拉花🤣而佢個湯飲落真係有十分濃郁嘅龍蝦味，而且仲會有龍蝦肉喺入邊👍🏻👍🏻用塊多士去點過龍蝦湯好好食，因為朔哂啲龍蝦味入塊多士度，好似食緊龍蝦多士咁🥳

焦糖蘋果慢煮西班牙黑毛豬鞍⭐️⭐️⭐️⭐️⭐️

個黑毛豬安好好好好食😋😋😋😋首先佢塊豬扒真係煎到啱啱好，完全唔會Overcooked
，切開塊豬扒入邊仲係粉嫩色嘅！！！不過放心，完全係熟嘅！所以塊豬扒食落係十分之Juicy，而且係好冧身，唔會硬繃繃死實實咁👍🏻加上佢係用西班牙嘅黑毛豬鞍，食落十分之有豬味，好食🫰🏻

法式香料烤龍蝦海鮮薏米飯⭐️⭐️⭐️⭐️

呢個嘅擺盤係全部入邊最靚嘅一個，好似做到係成條河咁樣，望到都覺得好吸引😍而且佢唔單止有成嚿龍蝦，仲有兩隻帶子🫰🏻同埋隻龍蝦佢已經處理到離左殼，一用叉吉就會成嚿甩出嚟👍🏻而且味道都好好，食到龍蝦嘅鮮味。而帶子都好好食，煮到好冧🥳而佢個薏米飯係配左個龍蝦汁，有啲似係用緊頭先個龍蝦湯去撈個薏米飯去食🤣

飲品方便我哋就叫咗一杯Cocktail「Dream」，一杯Mocktails「Sex on tree」😋

Dream⭐️⭐️⭐️⭐️

外型十分之吸引，而杯飲品係用綠色為主，望落都好colorful🫰🏻飲落去係偏甜嘅Cocktail，啱啲唔係好鍾意酒精味龍嘅人飲👍🏻

Sex on tree⭐️⭐️⭐️⭐️

呢杯係直頭冇酒精成份，而飲品係用橙色同埋紅色為主，飲落去有士多啤梨味，因為可能冇酒嘅成份，所以味道都係比較甜👍🏻