Buzz Grill Bar & Cafe

知道大埔開咗間寵物friendly餐廳，
就突登入去探下哥基店主，真係好得意，
亦有其他食客帶自己嘅寵物一齊食飯，氣氛唔錯。
至於環境方面，乾淨企理，
裝修有格調，工業風。

晚上以串燒小食為主，
而且還提供寵物menu，價錢算適中。
叫咗西冷牛扒，燒雞皮，
沙嗲豬肉串，燒翠肉瓜，惹味蒜容焗扇貝。
串燒大致ok，惹味，
値得一提嘅係惹味蒜容焗扇貝，
蒜蓉味十足，扇貝鮮甜。

另外叫了門神系列生啤，
孫悟空蜜桃焦糖味啤酒，
容易入口，味道帶微微焦糖香甜，幾啱女仔飲。