Chapter ONE (已結業)

是日星期一放假，來一個大埔一天遊，最尾的景點係去大埔墟鐵路博物館，感受一下大埔火車站的昔日風采，打卡留下印記。參觀完後都差不多天黑，加上今日都幾熱，所以搵一間近近地就腳的餐廳食晚飯啦。門口有兩個拱門建築設計的西餐廳chapter one 距離鐵路站博物館不到300米，今次我們就揀了呢間富有土耳其馬賽克風格的餐廳試一試。選了靠近街旁的座位，座位舒適!先點了兩杯啤酒，1664 Draft ($68) & Stella ($68)牛油果蝦披薩 ($148)。缾皮薄薄，面頭鋪滿芝士，每片薄餅都有牛油果和鮮蝦，味道清新而不膩，披薩大小適中，佐酒談天一流!然後點了一個雞全部都是雞 ($178)，其實係一個雞拼盤，有炸雞皮、雞軟骨同雞翼三款小食。雞皮炸得脆脆，雞軟骨彈牙味美，炸雞翼外脆內嫩，值得一讚。