影片
食家推介
餐厅环境极差 食餐饭不停被蚊咬 厕所污糟又邋遢 厕纸乱摆 设施烂烂容容餐厅劲多蚊 喷劲多蚊怕水都冇用 地下黐立立唔知几多年冇拖过咁 食物质素唔想讲 已经完全冇食欲都系因为睇到评语有只猫仔几得意先过来潮拜 点知系个伏！感觉利用紧猫仔做生意 嘢食一般般 见到佢哋用微波炉叮热再煮个汁捞埋一齐 可以讲无技巧 用最低成本食材摆盘打卡 正常味道 价钱各花入各眼 应该有嘅服务都有嘅 嚟到一杯水咁啰 起码唔系用qr code 入单先总括黎讲 无期望无失望
继续阅读
黎呢度系因为朋友介绍，呢度位置唔算好方便，喺铁路博物馆隔离，平时都好少过黎我地两个人，一人叫左一杯饮品，因为有揸车，所以唔饮得酒精饮品，净系叫左mocktail, 另外再叫左1个小食拼盘同埋牛油果大虾pizza, 谂住唔够再加食物。拼盘一黎到 真系吓亲，超大份，炸蚝有4旧，鱼手指有3条，洋葱圈大约有6旧，仲有好多薯角，食物热辣辣，点埋茄汁同黑松露酱真系好好食牛油果大虾pizza超多芝士，拉极唔断，味道正常，边位脆卜卜最最最重点系只猫，职员话系英短黎，叫小柑，早两个月先喺附近执佢番黎养，成为铺头生招牌，佢真系好得意呀，又唔惊人，又会行过黎闻下我地，睇下我地做紧咩职员会同我地倾下偈，讲下只猫，好友善亲切，希望佢地生意会越黎越好啦，要支持香港嘅小店！P.S.餐厅出面有咪表位，揸车过黎都唔惊无位泊车
继续阅读
经过呢间铺几次，见平时冇乜客。第一次嚟食你 ，估唔到普通嘅pizza可以整到咁难食，完全无胃口！饮咗杯劲难饮嘅Cocktail，虽然唔贵，但唔怪之生意做唔起！唔明呢间铺点解仲可以唔执
继续阅读
7点入座，全场得一个人侍应，他放下餐牌称「今天没有main course」，先点两杯餐牌有的饮品，第一杯15分钟才调出，另一杯见个侍应看电话、揾晒全场酒樽，25分钟后前来话「无其中一款，你叫果杯冲唔到」。好啦，惊见得佢一人咪改朋友饮紧果杯顺便落单，问咗佢，原来另一位同事出咗去买嘢。咁无main course，即系要叫小食，单骨鸡翼无，最后3个人只叫了个pizza、阔面、炸物并盘
继续阅读
踏入Chapter ONE，感觉已经好写意。呢度嘅黑松露忌廉通粉简直系精品中嘅平民价，松露香扑鼻，真系食到个人都心情爽朗😍。忌廉汁滑嘟嘟嘅，紧紧地围住啲粉，一啖落去真系满足到爆！话说返上菜色，我重点推介个小食拼盘，食材炸得啱啱好，香脆得嚟唔油腻，尤其系炸蚝，肥美又juicy，蘸下酸酸甜甜嘅酱料，真系正👍！再嚟个牛油果大虾Pizza，呢个组合意想不到咁夹，份量十足满足，芝士多得嚟吾会觉得腻，皮薄饼脆，啖啖虾肉，忍唔住要多嚟几片。环境方面，Chapter ONE系间舒服嘅地方，无论系悠闲嘅下午，定系放工后嘅抖一抖，都啱哂嚟小聚。仲有一讲，店员服务周到，帮手介绍菜色同餐饮，真系贴心到不得了。落区记得试吓呢间，保证满足你嘅味蕾同心情！🥳🍴
继续阅读