芝加哥串燒 (美豐花園) (已結業)

同大埔既友人小聚，想搵個chill D既地方吹下水，朋友就提議黎呢間都幾新既串燒酒吧。一入到去就覺得餐廳裝修好型格，而且仲有部大電視，睇波一流！串燒方面，都有幾多選擇，落完order，餐廳就充滿左好香燒烤味，由於都係即叫即燒，所以要耐心等陣。飲品方面，揀左James Squire Orchard Crisp Apple Cider同桃汁酒，好refresh! 邊吹水邊飲野，野食就好快黎到。整體食物都好高質，Ｄ串燒都燒得岩岩好，唔會乾爭爭。有幾樣野都特別推介。燒羊架七成熟，燒得香脆，而且唔羶，好食！生燒鴨舌比較少食，好特別，個汁都好惹味。大蔥雞辣肉串，雞肉十分嫩滑，配埋爽甜大蔥，口感一流！蜜汁燒黑豚肉好大塊，十分juicy。燒多春魚、韭菜燒、雞翼同雞軟骨調味岩岩好，送酒岩哂。