武藏野 (已結業)

今日同幾個姊妹約入大埔行街, 到食飯時間, 因之前見朋友响facebook post過呢間餐廳, 話都ok抵食, 同埋睇過啲相都幾吸引, 所以就入去試下, 可能因為我地早去, 所以唔洗等位。我地坐低後慢慢睇個MENU, 發覺呢間嘢其實都幾多嘢食, 可能佢地啲樓面見我地無乜idea, 所以同我地介紹啲食物, 但最後我地都睇咗好耐先點菜。因為呢班姊妹比較細食, 所以叫咗唔係好多嘢食。我地見佢地個火龍卷賣相幾吸引, 所以叫咗一客試下, 之後叫咗個香芒pizza, 碎蔥吞拿魚卷, 鰻魚炒飯, 三色薄切魚生同炸軟殼蟹。首先來是三色薄切魚生, 魚生夠新鮮, 同啲酸汁一齊食幾開胃。跟住來的是火龍卷同碎蔥吞拿魚卷, 火龍卷個賣相幾得, 蟹籽很多很多, 食落啲蝦都夠脆, 唔錯。相反個碎蔥吞拿魚卷個賣相就無乜特別, 但勝在啲吞拿夠新鮮, 入口都鬆軟好食。再來是pizza同炸軟殼蟹, pizza比較小見响日餐有得食, 所以最初都抱住平平地試下無妨心態去點, 點知食落後又發覺又幾好食喎, 有啲unexpected, pizza入面除了有芒果外, 應該都加咗啲蟹肉, 混埋啲芝士一齊食, 真係意外地好食。炸軟殼蟹