武藏野 (已結業)

一間有水準但唔起眼既日本食堂🇯🇵🗾油甘魚鮫燒得岩岩好👍🏻三文魚子粒粒彈牙多汁燒牛舌串.岩岩熟有咬口吞拿魚腩😍鰻魚.唔係平時現成果d.應該係佢自己整.肉質有彈有咬口🥰金菇牛肉卷.唔乾岩岩好.❤️椰菜都好好味爽口👍🏻唯獨.Book左都等成30分鐘而樓面服務就麻麻地（可能繁忙時段）

首先入到去係得2-3台人，跟住叫左個餃子拉麵（轉烏冬），一個雞扒燒煱烏冬（走蔥），跟住等左好耐，真係好耐，跟住問一問睇下仲有幾耐，跟住仲等左一陣佢黎左個餃子拉麵，跟住我話我叫既係烏冬，跟住佢竟然同我講食拉麵好唔好，咪玩啦，我要食就唔洗轉烏冬啦，之後再問下個雞排烏冬得未，因為餃子轉返烏冬都依經轉左，點知個雞排都仲未到，好啦，跟住黎啦，個烏冬入面有好多蔥，跟住D菜係硬既同唔熟，個雞係半山熟，應該係叫白拾雞肉，除左不知所謂依經諗唔到第二個形容詞，bad list

呢日lunch又去左大埔覓食～黎到呢間武藏野，見到隔離枱d三文魚壽司d三文魚勁長～即刻勁想食！所以叫番個壽司餐，呢個餐包沙律，麵豉湯同壽司～ 侍應上三文魚個陣見到都真係覺得超長！諗左陣點食決定將條三文魚捲住舊飯食食完之後覺得好滿足～同行友人叫左拉麵，睇個樣好似麻麻地唔係咁吸引，所以冇影相～下次如果再黎都係會食番壽司，唔會叫拉麵個類～午市時間都唔算full，侍應反應都幾快～加茶都加得幾快～ 上菜用既木板都幾日式feel~

同友人小聚, 佢提議食呢間日本野, 話幾抵食, 同埋刺身都幾新鮮, 決定一試!1:30左右去到, 都唔算太多人, 唔洗等位就入得~lunch menu有好多選擇呀!!樣樣都好想食D價錢都幾親民!午市仲免收加一tim!跟餐有麵豉湯同沙律.朋友叫左個壽司盛盒B, 有一件有長長三文魚壽司, 正!我地加$6加左碗拉麵!拉麵好大碗!另外再叫左個蒲燒鰻魚雜錦便當.個便當好豐富呀! 份量都幾多! 刺身真係幾新鮮! 黎呢度食不妨食下佢D魚生/刺生, 都唔錯的!

今天是公眾假期，各食肆都排滿人，唯有避開最繁忙時段，約兩點半左右經過武藏野，見有位又未試過，便決定入內光顧。最開心是假日都有多款午餐可供選擇。點了一客壽司盛合B及一客照燒雞排雜錦便當。壽司盛合：先上沙律，醬汁比較失色，只是普通千島醬的物體；味噌湯都是開粉的那種感覺；壽司都算大件及新鮮，可惜魚生飯口感及醋味略欠。照燒雞排雜錦便當：這個是比較「穩陣」的食物，整體不過不失，份量足夠。公道說句，以這價錢（午市不收加一）算是合理，食物種類選擇亦多，我覺得絕對可以接受。

呢間餐廳小妹都食過好幾次，不過今次令人失望啊😞晚餐時段都算多人不過好彩唔使等位今次叫咗一個魚生飯、火龍卷、生蠔同章魚燒築地大蝦海鮮丼 $90魚生飯魚生類都算新鮮，赤蝦size 都好大，帶子又唔會好細粒，魚生唔會俾得好少，份量都好足。不過個飯真係無咩醋，食落好似差少少，好似食緊白飯配魚生咁，小妹都幾失望火龍卷 $58火龍卷成日見人食但小妹今次第一次黎食，炸蝦🍤岩岩炸起仲有少少暖，肉質都爽口，不過同一問題係d飯無醋味，即使蟹籽好多都令小妹唔太喜歡章魚燒 $30要講小妹最失望既係章魚燒，呢到既章魚燒個皮好厚好硬，唔知係咪整得太耐，個內餡都有d乾，令鍾意食章魚燒既我，都不得不放棄蘇格蘭生蠔 $60/2隻今晚最好食係呢款生蠔，生蠔會因應時令而轉，當晚小妹食既係來自蘇格蘭，好creamy,唔算好大隻但海水味都濃

話說上個星期日已經想去試下,但去到甘岩落場,冇得食今個星期日一於早啲去食,係門口見到冇咩人等位,但入到去都已經坐滿晒見到個餐牌有好多選擇,有選擇困難症嘅我樣樣都想食, 最後一於想食咩就嗌咩我地嗌左其中一個午餐係鰻魚定食:有3片刺身,2粒小丸子,青瓜鰻魚雖然唔算好大塊,但好厚身,好好味至於刺身都好厚身好新鮮,小丸子和青瓜就冇咩太特別刺身特盛呢個刺身特盛不得了 超多刺身 仲要全部都係厚切仲要跟個醋飯 (不過個飯冇咩醋味),沙律,麵豉湯除左個海膽麻麻地,其他都不錯,特別係隻蝦,好鮮甜再黎一客牛油果鰻魚卷呢個正正常常冇咩特別,略嫌啲飯多左,餸少左啲仲有火炙左口魚邊壽司,劍魚腩壽司個火炙左口邊啲油燒晒出黎,好正劍魚腩就唔夠肥總括而言, 2個人食甘多野,埋單先二百幾蚊絕對抵食,飽到飛起下次一定要再黎

叫個蛋包飯都可以等半個幾鐘，仲要追幾次先有，態度差劣，見其他客叫熟食既都係一樣，起碼等半個鐘以上，建議店主係餐牌到標明埋所有熟食需半小時以上製作，各位趕時間既話記得千奇唔好去

店內環境以黑色做主調，座位亦不算很多，有時經過到晚飯時間大約7-8點需要等候。今日點了一個刺身飯，一個壽喜鍋同2隻生蠔。壽喜燒牛肉分量唔太多而且沒有飯或麵跟，如果自問大食的朋友要問下有無得加飯。味道方面，沒有太大分別刺身飯內有三文魚，吞拿魚，帶子，大蝦同少量蟹子，唔知係咪燈光問題，好似感覺刺身少左D光澤～食落都算新鮮，帶子亦屬厚身但大蝦有少少腥。三文魚同吞拿魚亦有油香味。點解叫生蠔呢？因為見到後面果枱叫左6隻而且每隻都好大隻，又心思思都食。最後都叫左，Size都好大，喜歡大隻啖啖肉既我，岩哂我。總括，個人對呢間餐廳評分都幾高，下次都會繼續幫襯。

接仔放學 燈粗粗走黎試下呢間拉麵日式义燒拉麵, 义燒一般 略肥了少許 拉麵林度剛好 好彈牙秘制豬軟骨拉麵, 果然是秘制好入味豬軟骨超林又大大舊 再來一客4件芒果軟壳蟹壽司, 軟壳蟹即炸即整 整體吾錯

其實我真係好鍾意食生嘢 我阿媽成日都問我幾時個肚會生蟲 其實食材新鮮 處理妥當 當然唔會有呢啲情況發生啦來一客刺身拼盤 有海膽 三文魚 吞拿魚 油甘魚甜蝦 墨魚… 最重要係件件都好厚切 食過無數嘅日本料理店 呢間切得算係好厚 而且新鮮呢個唔記得咗叫咩名 貝類嘅一種 肉質爽脆 食落有啲似象拔蚌 帶有海水的鹹味 好鮮甜 裙邊 藉口感反而冇咁脆 但一樣好味三文魚壽司 超級重料 長度係舊飯嘅三倍 炸蝦天婦羅 炸粉好薄 好香脆 蝦肉彈牙 鮮甜 唔油膩涼拌小食 不過不失

睇人食評最怕見到一推廢話開場白，去片… $150 半打生蠔，每隻都有手掌咁大，新鮮清甜爽口，好食過依家酒店自助餐細無可細既生蠔，又或者$10隻賴係低食生蠔(其它食物先擋你……) 清酒蜆拼東風螺新鮮，難得境然每一隻都無沙，讚…！ 其它食物種類選擇多，價錢唔貴同份量都幾足晒料喇，星期六…人手似唔多夠見到店員忙到甩轆，不過效率奇高有求必應！ 總結，集團式鋪頭賣相精緻吸精，呢類小店抵食夠實在！食物質素份量價錢秒殺其它放題住大埔又想食蠔一定要去試試…

成日經過從未食過,同老公唔知食咩好就終於黎左,門口見到星期一至五寿司8折,不過一件都冇嗌,嗌左三文魚腩刺身,系肥美既,一個地獄湯牛拉麵,一個豬骨湯豬軟骨拉麵+杯巨峰2個拉麵系好普通,冇咩特別!!下次仲去唔去?有選擇應該唔會再去唔知唔好食,但系哩個價錢想試下其他

見到promotion 一至五壽司8折，即帶爸爸媽媽黎試下la早幾日book定happy Friday 7:30pm,去到竟然坐在大門口門又開又關又多人出出入入，環境一d都唔舒適主打叫一輪壽司先，點知唔係款款有八折，連基本的鰻魚壽司都無折，不過想食就照order la第一輪點左劍魚腩壽司，牛油果三文魚卷，塩燒帶子壽司，燒三文魚腩，左口魚群邊，炸蠔壽司，油甘魚腩無貨，馬糞海膽一板壽司好快就到，牛油果三文魚卷大大件，好多蟹子，飯大大舊，味道普通la劍魚腩好細件，又唔夠香塩燒帶子唔算大粒但燒得好香口，帶子甜好好味，燒三文魚腩，左口魚邊都肥美海膽一板細細的，幾鮮甜，配紫菜同青瓜一齊食，$88食得過第二輪order 牛肉火鍋，雞軟骨串燒，鰻魚壽司無折的鰻魚壽司出奇地好食，鰻魚厚身，微熱的，不過都幾貴$39 兩件牛肉火鍋好少家lor, 牛肉唔多，豆腐得一件，冬菇芋絲各一，金菇都好少，只得湯同菜，呢d全部唔係貴食材，唔明點解店家甘孤寒lor雞軟骨串燒，賣相已經唔好，食落當然無驚喜la

頭先食完超級難食啲壽司飯嘅溫度整到我片魚生都係暖嘅, 同收錢嗰個人講佢話啲飯係微溫Really bad quality fish....... 無端端放啲黑松露係我個帶子壽司上邊都冇要佢放勁有問題