Niku Niku (已結業)

呢間日式烤肉小店位於大坑，座位闊落，裝修新穎。今次店員介紹我哋食和牛橫膈膜扒，佢嘅面積好大，可以剪到大概8－10塊。佢嘅牛味香濃，但油脂成份就較低，唔會話做到入口即溶嘅效果。另外我哋都order咗雞腿肉同黑豚toro。兩款肉都十分出色，調味剛好，肥瘦亦均勻，肉質爽口滑嫩！另外，我哋叫咗個和牛toro蓋飯。上面嘅和牛滿佈油脂，非常肥美。因為我哋麻麻地食全生嘅牛肉，所以就將上面嘅牛肉輕輕燒香佢先至食，效果都唔錯！