睿日本料理 (已結業)

大坑出名多高質小店，夜晚同朋友喺附近想搵間日式料理，於是就決定係呢間評價唔錯嘅餐廳每人一個dinner set🤭 雖然望落價錢也比較高，但係食完成餐覺得性價比唔錯👍🏻我地先飲咗一杯和歌山蜜柑梅子酒，非常易入口，口感甜美，入口流暢，跟住就開始食前菜，包括櫻花蝦卷、梅水晶和北海道八爪魚配日本蕃茄。櫻花蝦卷入口有淡淡芝士香，搭配著梅水晶帶酸味，配搭得非常好。而八爪魚肉質鮮美，加上蕃茄的微酸味道，食落好清爽。跟住食埋個烏魚子吞拿魚沙律，第一次食有烏魚子嘅沙律，咸香味道非常獨特，吞拿魚亦都算新鮮，跟住就開始食帶有油份嘅食物😍刺身包括深海池魚薄切、赤貝和甘蝦。深海池魚搭配特製醬油，味道鮮美，微微帶有酸味，非常新鮮。另外兩款刺身同樣食到食材嘅鮮甜爽口🤭餐湯係櫻花貝柱海蜆木魚湯，湯入面嘅材料非常多😆食到一嚿嚿貝柱，彈牙嘅口感再配埋個湯，味道鮮美，好想要多碗。主菜係鐵板燒，包括黃金蟹膏龍蝦尾、鹿兒島和牛和鮟鱇魚肝。龍蝦尾拌以蟹膏，肉質鮮甜，口感彈牙。和牛肉質鮮嫩，牛肉的香味非常濃郁，鮟鱇魚肝食到油香味，口感軟綿。