紐西蘭扒一上枱就知無揀錯！叫咗五成熟，切開粉嫩唔見血水，火候控制得啱啱好～表面煎到微微焦香，入口肉質軟淋得嚟帶嚼勁，牛味濃得嚟唔會羶，簡單灑少少海鹽已經好好味！配菜嘅烤蒜頭同薯蓉都好出色，個薯蓉幼滑到呢～仲帶住牛油香，掛住食差啲忘記影相！
龍蝦汁蛋意粉絕對係邪惡之選！橙紅色嘅龍蝦汁濃稠到掛滿每條意粉，入口係超濃郁嘅蝦鮮味，仲食到啖啖龍蝦肉碎～最正係隻流心蛋，篤穿之後蛋漿同龍蝦汁撈埋一齊，個口感creamy到不得了！意粉煮得al dente，吸汁能力滿分，每啖都係滿足～
絕對係大圍區內高質西餐之選！已經bookmark咗，下次要試埋其他菜式～
