大圍小食

收工後返回大圍, 途經大圍小食時, 見到檔口啱啱炸起釀茄子, 睇
落賣相唔錯, 即係行埋檔口買幾件試下。煎釀三寶賣緊六蚊四件,
我要左八件, 有三件釀茄子, 兩件炸雲吞, 兩件炸魚旦, 一件炸蕃薯。
茄子啱啱先炸起, 太熱喇, 唔可以即係食, 要攤一陣先得, 炸雲吞就
夠哂大件, 炸魚旦蕃薯味道唔錯。攤凍左一陣, 食番啖茄子, 雖然
外皮依然好熱, 但好味道啊。其實除左煎釀三寶外, 小食檔仲有油
渣麵同章魚小丸子, 留番下次再試過。