Potluck Eatery

今日約咗朋友試吓呢一間Potluck Eatery , 位置相當方便，喺佐敦地鐵站D出口幾分鐘就到空間相當之大，仲有卡位，同埋出邊有戶外地方可以坐～冬天嚟食應該好舒服😊佢有單點同set dinner 我哋叫咗兩個set同埋薯條一齊share🫰首先送上蒜蓉包同埋蘑菇湯蘑菇湯味道超級濃厚 好好飲 蒜蓉包新鮮熱辣小食炸薯條份量超級多 仲要係厚切 配上明太子醬同埋茄汁 非常好食！主菜分別叫了牛油香煎帶子鮮蠔汁意大利飯 同埋芝士菠菜龍蝦蟹肉意粉卷 兩樣賣相都相當靚 🫶 意大利飯真係好重生蠔味道 鍾意食蠔嘅不要錯過 加上軟硬分明嘅意大利飯😀至於芝士菠菜蟹肉意粉卷 打卡之選 內裏配上已經拆咗肉嘅蟹肉 餡料十足 再加上芝士混合一齊 超級好食！❤️餐茶揀咗兩杯凍檸茶 夏日炎炎消暑一流😍食到呢度已經好飽 仲有芝士蛋糕同埋雪糕作為甜品 🍮 真係一個好豐富嘅晚餐！