Sip & Slide (已結業)

Wingman旗下開左Sip & Slide，呢間主打迷你漢堡🍔嘅酒吧餐廳，試業期間呢度午市人唔多，裝修美式嘅設計。餐牌有2人tasting menu，都幾多嘢食。沙律揀左Yuba Yuzu Fettucine，原來係用左豆腐皮替代麵條，加上柚子醋，整體好有驚喜。Sliders揀左以下：Peking Quack - 北京填鴨，上面仲有鵪鶉蛋，賣相幾特別。Triple B - 經典嘅牛肉漢堡，特別之處係用左Beetroot Jam。Miso Sakana - 通常漢堡用炸魚，呢度用嘅係煎魚，滑身好多，用味噌調味。Texas Blue’s - 手撕豬肉，加上厚醬椰菜沙律，感覺清新。呢度嘅漢堡都落幾多沙律菜，呢點幾欣賞。Sides揀左Sweet Potato Fries仲有Truffle Mac and Cheese。個Mac and Cheese落嘅芝士唔係平時嗰種結身拉絲嗰啲，重點集中係面頭嘅松露。而番薯條就甜甜地又脆身，又唔會炸得太過分。甜品亦唔會太甜。飲品我地揀左BlackBerry Earl Grey仲有Oolong Ginger Tea，都好清新。