六合小巷 (已結業)

鹽酥拼盤有鹽酥雞，貢丸，花枝丸同埋四季豆，份量多到4個人share都得！雞炸得好脆，四季豆冇炸到好乾幾好味。六合醬油雞絲撈麵又係超級大份，麻醬唔吝嗇，再加上少少芥辣即刻balance返晒，好開胃。醉雞翼酒味夠濃，雞翼夠大隻啖啖肉烤台灣腸雖然平時超市都可以自己買到，但係食台灣嘢總係想食下台灣腸。黑糖珍珠鮮奶黑糖甜度剛好，冇諗過咁大杯超飽肚。檸檬愛玉冬瓜茶夏天飲啱晒，酸酸地澀澀地，唔會太甜，解膩一流。位置雖然唔係大街，但係都好易搵，舖頭裝修好有台灣特色。每種食物份量都超級大份，價錢又平真係醫肚之選！