中央飯店

呢一間深水埗名物屹立多年真係大件夾抵食，啲夥記係年長少少，不過服務好好而且好有人情味，今時今日香港真係好難搵得到。

炸大腸份量足且又炸得好脆口，點埋甜酸汁就perfect。

粟米魚肚羹勁大鍋，竟然$100都唔使，入面仲係勁多魚肚，認真誇張。

炸腰肝卷係呢度嘅名物，好食，唔多油，雖然知道入面係豬潤豬腰呢啲內臟，不過食嘅時候又唔係覺得好邪惡喎，外層脆漿都幾薄，整得幾好。

最後要咗個蝦醬通菜，又係好大碟，非常滿足。