小麻吉滷肉飯 (已結業)

翠怡花園係喺我屋企對面，而且呢度食店林立。仲有幾間舖頭係出名嘅添。今次終於輪到試小麻吉啦。今次選擇左外賣自取。外賣下午茶豬軟骨飯加熱檸水，賣單37蚊。唔好以為下午茶嘅份量就好細。我返到屋企拎出嚟嘅時候係嚇親我。一打開，碗飯多到呢。最後同家姐分左一人一半都覺得飽。我諗男士食嘅話應該會食得晒。成個飯豬軟骨嘅數量非常之多，而豬軟骨亦煮得夠入味同埋夠軟身。入口嘅時候可以唔洗咀嚼直接吞都得。但我個人就覺得成個飯油左少少。最後飲杯熱檸水消下油啦。以呢個價錢同呢個份量嚟講。整體係抵食嘅