影片
更多
2020-02-08
63 浏览
呢排見到好多人讚石門呢間餐廳，今日抽時間嚟試吓。午餐menu 有多款選擇，日式西式都有，包埋餐湯同飲品。餐廳地方唔大，以淺色為主調，有d似家庭式經營嘅感覺。餐湯係蕃茄忌廉湯，睇顏色就已經見到個湯有幾濃郁，味道較酸，但好處係幫到你打開胃口，迎接之後嘅主菜。主菜我叫咗香煎厚切豬扒配薯菜，一上枱嘅時候我真係呆咗！點解咁大碟嘅？厚切豬扒足足遮蓋咗大半隻碟，而且真係好厚切，可能有1 - 2吋！最誇張係配菜都極大份！d翠玉瓜勁大件，我估計拼翻埋一齊嘅話，分分鐘有兩條翠玉瓜伴碟！加埋d薯條，真係齋食薯菜都飽呀！講翻主角厚切豬扒，咁厚嘅豬扒要煎熟但又保肉質嫩滑真係好考廚師嘅功夫。佢都做得唔錯，豬扒唔「鞋口」，食落去感覺到廚師冇加太多調味，不過豬扒本身肉味都夠。飲埋餐茶，食到飽晒，都係$120，大件夾抵食！
午餐menu 有多款選擇，日式西式都有，包埋餐湯同飲品。
餐廳地方唔大，以淺色為主調，有d似家庭式經營嘅感覺。
餐湯係蕃茄忌廉湯，睇顏色就已經見到個湯有幾濃郁，味道較酸，但好處係幫到你打開胃口，迎接之後嘅主菜。
主菜我叫咗香煎厚切豬扒配薯菜，一上枱嘅時候我真係呆咗！點解咁大碟嘅？
厚切豬扒足足遮蓋咗大半隻碟，而且真係好厚切，可能有1 - 2吋！最誇張係配菜都極大份！d翠玉瓜勁大件，我估計拼翻埋一齊嘅話，分分鐘有兩條翠玉瓜伴碟！加埋d薯條，真係齋食薯菜都飽呀！
講翻主角厚切豬扒，咁厚嘅豬扒要煎熟但又保肉質嫩滑真係好考廚師嘅功夫。佢都做得唔錯，豬扒唔「鞋口」，食落去感覺到廚師冇加太多調味，不過豬扒本身肉味都夠。
飲埋餐茶，食到飽晒，都係$120，大件夾抵食！
张贴
