影片
更多
2020-10-27
74 浏览
早幾日同屋企人去旺角買野，屋企人話晚餐想食d無咁heavy既食物，於是就去左試呢間bookmark左好耐既越式餐廳😈 當日好彩6點鐘都仲可以係食評app📱度訂到檯兼有9折等於免左加一，而餐廳既菜式屬中等價錢但份量唔少，加上係正地鐵站隔離，非常適合一家大細家常便飯又或者朋友聚會🍻我地離開既時候餐廳係坐滿晒客人，以而家疫情既市道黎講佢既生意都算係唔錯😳******************************✨串燒雞、牛、豬🍢 (半打$89)由細到大最鐘意食沙嗲串，每次食越/泰菜都必定會點既item😋呢度既3款串燒食落唔會話好乾柴，個人比較喜歡雞肉同牛肉，兩者肉質食落幾嫩滑可口；唔錯既係每一串肉既份量都係大大串，自私食又得，好似我咁同屋企人share食亦得😬唯一失望既係個沙嗲醬雖然有花生粗粒🥜，但味道就唔係正宗個種；少左呢樣重要靈魂，食起上黎感覺總係差咁d😣-✨扎肉蒸粉包 ($72)一份四件夠晒大舊，上面有扎肉同炸蒜片點綴，而入面既餡料就有豬肉、洋蔥🧅、蝦米🦐、沙葛、木耳絲等，味道同口感都非常豐富😋值得欣賞既係餐廳細心咁將每件蒸粉包都放係蝦片🦐上面，所以蒸粉包夾起時就唔會因為外層黐住隻
早幾日同屋企人去旺角買野，屋企人話晚餐想食d無咁heavy既食物，於是就去左試呢間bookmark左好耐既越式餐廳😈
當日好彩6點鐘都仲可以係食評app📱度訂到檯兼有9折等於免左加一，而餐廳既菜式屬中等價錢但份量唔少，加上係正地鐵站隔離，非常適合一家大細家常便飯又或者朋友聚會🍻我地離開既時候餐廳係坐滿晒客人，以而家疫情既市道黎講佢既生意都算係唔錯😳
******************************
✨串燒雞、牛、豬🍢 (半打$89)
由細到大最鐘意食沙嗲串，每次食越/泰菜都必定會點既item😋
呢度既3款串燒食落唔會話好乾柴，個人比較喜歡雞肉同牛肉，兩者肉質食落幾嫩滑可口；唔錯既係每一串肉既份量都係大大串，自私食又得，好似我咁同屋企人share食亦得😬
唯一失望既係個沙嗲醬雖然有花生粗粒🥜，但味道就唔係正宗個種；少左呢樣重要靈魂，食起上黎感覺總係差咁d😣
-
✨扎肉蒸粉包 ($72)
一份四件夠晒大舊，上面有扎肉同炸蒜片點綴，而入面既餡料就有豬肉、洋蔥🧅、蝦米🦐、沙葛、木耳絲等，味道同口感都非常豐富😋
值得欣賞既係餐廳細心咁將每件蒸粉包都放係蝦片🦐上面，所以蒸粉包夾起時就唔會因為外層黐住隻碟而夾到爛晒同跌餡，仲可以令我呢d怕熱氣既食客過下口癮🙈
-
✨春卷扎肉撈檬🥗 ($68)
呢度撈檬既份量同樣比平時出面食到既大份，春卷🌯同扎肉各有三件，3個人食就剛好每人一件🤣
炸春卷🌯包左木耳、紅蘿蔔🥕同粉絲，脆口得黎但唔會好重油味；除左春卷同扎肉之外，呢碗撈檬仲有生菜🥬、芽菜、紅蘿蔔🥕同青瓜絲🥒等新鮮又爽口既配菜，加埋酸酸甜甜既醬汁撈埋黎食，感覺清新，比較輕盈唔會咁有飽膩感🤗
-
✨咸魚炒油麥菜🥬 ($62)
唔知點解係街食到既油麥菜總係比較好食，不過就唔係度度都有得食🤔 同埋平時係越/泰餐廳多數都係得蒜蓉/蝦醬炒菜，呢度有咸魚炒油麥菜咁特別就叫碟黎試下
意外既係呢碟油麥菜既份量相對其他幾款菜式就細碟得多，感覺無咁抵食🤭，同埋食落完全無咸魚味，唔知係咪廚房搞錯還是呢度既「咸魚」炒菜係咁樣🙈
******************************👧🏻人均消費：$100
😋味道指數：3/5
💰抵食指數：3.5/5
🪑環境指數：3.5/5
💁🏻♀️服務指數：3.5/5
👍🏻再訪指數：3.5/5
-
📍Le Viet
地址：旺角彌敦道636號銀行中心1樓101-106,108-109號舖
⏰營業時間：11:30–00:00 (Mon–Sun)
(📍尖沙咀亦有分店，營業時間有所不同)
张贴
