雲家小鍋米線 (328廣場)

营业中

休息中

呢間餐廳平時都有食開，因為大件夾抵食。估唔到平日夜晚都要等位，但勝在環境大，座位多。唔係等咗好耐就可以入席。首先，係上咗野飲先，普通熱檸水同可樂，熱檸水檸檬都幾多。先講小食，平時都食開個涼拌墨魚頭，墨魚好入味，蒜香味濃。其次口水雞，份量好夠，蒜香辣味都有，但唔會係死辣果種，有啲麻麻地，會一食再食。我同朋友都係食熱拌紅薯粉，叫咗炸醬、腩肉、芫茜、墨魚丸、燕皮肉餃，鐘意食芫茜既，可以見到芫茜係鋪滿個麵，撈落D薯粉都好夠味，燕皮肉餃個餃子皮薄，食落個餡都爽口彈牙，值得一叫。