阿來泰式地道風味

营业中

休息中

平日黎到，都好多好多人呀，等左15分鐘先入到去，但食完，完全無失望。環境方面泰式環境，用多木制傢俬，座位就都係偏細，始終係旺角地舖，租金咁貴梗係間多幾個位，做多幾轉客人喇。比較適合一大班人（7-8個人） or 2個人就fit曬。食物方面軟殼蟹包，正呀，軟殼蟹夠曬大隻，而且叻喱又夠多，食落好正，蟹炸得夠曬脆。小食拼盤，好多好大份，可以一次過試曬佢咁多款泰式小食，堅係掂。泰式雜菜炒粉絲，份量十足，夠3-4個人share，炒得夠乾身，幾入味。馬來炒通菜，味道濃郁，食落好惹味，岩曬用黎送啤酒。芒果糯米飯就非常之正，涼涼地，糯米夠曬入味，芒果又夠鮮，十分推薦大家留肚叫呢個飯最後食唔曬，打包返去食，總結黎講唔算貴，大件夾抵食。