魚翅大排檔 (已結業)

重記得細細個既時候久唔久都會去大排檔食飯。可惜既係時移勢易，自從屋村商場俾「領匯」（宜家改左名做「領展」）接手之後，做得住既大排擋已經越黎越少喇！Anyway，是晚因為「慶生」所以諗住「食豪D」，所以去左呢度諗住試下D「鮑參翅肚」一生總要豪一次！餐廳位於旺角鬧市，非常之易搵，喺正$12蚊店果棟樓既下面。店內地方唔算太大，但可能因為係閒日既關係都唔算太多人只有七成滿左右，而且枱與枱中間都幾闊落，坐得都幾舒服。一行五人叫左個$1280四人餐再加$300一位 pro-rata top-up。野食上枱速度非常之快，十分鐘都唔駛就已經可以開波！紅燒蟹黃生翅︰坦白講以只係$300零蚊一位既價錢有咁既份量真係唔錯。不過個人黎講唔係太鍾意紅燒同埋蟹黃，嫌佢太濃，下次再食都係試下相對較為清清地既「螺頭雞煲生翅」！20頭南非鮑鵝掌︰冬菇同埋西蘭花都煮到好腍，拍埋炆到剛剛到火喉既鵝掌真係唔錯。醬汁方面對於鍾意食濃味既我黎講都係鹹左少少，如果再清少少會好D。鮑魚方面唔錯啦，始終係20頭唔係4頭鮑，睇得出炆左好耐，D汁亦都索晒入去裏面，正！葱燒甜豆刺參︰整體黎講偏油，不過喺出面食炒野都係咁架喇。甜豆方面一般啦，