上海萬家村小館

营业中

休息中

深水埗為人熟悉嘅除咗係電腦產品集中地之外，仲好多平民美食😬事關本身區內冇乜大商場，所以唔太多連鎖店，反而街坊小店就比較容易搵到，亦因此好輕易就食到唔同國家、菜系嘅美食😁上海菜一向深受香港人歡迎，今次就去咗福榮街呢間上海萬家村小館，距離地鐵站出口/長沙灣道都係兩三分鐘步程，非常之咁方便！價格親民，難怪當晚咁多街坊用膳👏瑤柱賽螃蟹上海菜經典菜式之一，其他餐廳基本上都唔會花心機煮呢碟餸🤣食材唔算名貴，卻相當考師傅嘅功架，難在要將蛋白火候控制得好好🤩黃金蝦球蝦肉鮮嫩爽甜，配上咸蛋黃外皮，口感一流😋非常之邪惡🤪回鍋肉食到回鍋肉應有嘅香濃惹味，五花肉爆得好香，配料好齊，好好送飯👻上海粗炒食上海嘢真係一定要整返碟粗炒！大大碟，份量贏晒😈擔擔麵都好受歡迎，前後左右唔少客人都有嗌到，可惜今次食得太飽，下次先再過嚟品嚐👍晚市有唔少套餐✌️