影片
更多
2016-06-30
4842 浏览
姪仔生日，約埋家人出去食番餐慶祝一下，諗起 M88 嘅 Espuma，佢真係一間食飯又得，甜品都好得，加埋環境又舒服嘅好餐廳。一個烏雲密佈嘅星期日，下晝二點幾，餐廳幾乎滿坐，好彩早前訂咗位，仲留咗個好開揚嘅窗口位比我哋，出面陣陣驟雨，坐喺餐廳裡面，就更加覺得舒服自在。即時點個焦糖單骨雞翼食住先，雞翼好香脆，沾滿焦糖，甜甜哋，簡直就係小朋友嘅至愛，話咁快比佢哋食清光。黑白芝麻吞拿魚，魚肉有光澤，用火輕輕炙一下邊位，半熟嘅口感，入口有芝麻嘅香脆，又有吞拿魚嘅鮮味，點埋個醬汁，味道都幾醒胃。西班牙黑毛豬火腿薯蓉，薯蓉又係小朋友至愛，加上個樣係一粒粒圓碌碌，面層炸到金黃又脆口，裡面又香又滑，加埋一片鹹香嘅火腿，好滋味，實在係大人細路都咁鍾意至啱。酥炸軟殼蟹椰汁燴飯，軟殻蟹炸到好酥脆，配埋個軟淋淋嘅飯，帶住濃濃嘅椰香，味道都幾清爽，唔會太溜。西班牙黑毛豬薄餅，餅底又薄又脆，火腿鹹香，加埋新鮮嘅火箭菜，呢個完美嘅配搭，當然好味道。烤羊鞍拌淡香青咖哩，燒得燶燶地，羊架肉質幾嫩滑，又唔太羶，通常羊架都係配薄荷醬，今次配青咖哩，又幾清新喎。其實自己對羊架只係一般，但見倒只有7歲嘅姪仔，成件揸住離咬，食到
一個烏雲密佈嘅星期日，下晝二點幾，餐廳幾乎滿坐，好彩早前訂咗位，仲留咗個好開揚嘅窗口位比我哋，出面陣陣驟雨，坐喺餐廳裡面，就更加覺得舒服自在。
即時點個焦糖單骨雞翼食住先，雞翼好香脆，沾滿焦糖，甜甜哋，簡直就係小朋友嘅至愛，話咁快比佢哋食清光。
黑白芝麻吞拿魚，魚肉有光澤，用火輕輕炙一下邊位，半熟嘅口感，入口有芝麻嘅香脆，又有吞拿魚嘅鮮味，點埋個醬汁，味道都幾醒胃。
西班牙黑毛豬火腿薯蓉，薯蓉又係小朋友至愛，加上個樣係一粒粒圓碌碌，面層炸到金黃又脆口，裡面又香又滑，加埋一片鹹香嘅火腿，好滋味，實在係大人細路都咁鍾意至啱。
酥炸軟殼蟹椰汁燴飯，軟殻蟹炸到好酥脆，配埋個軟淋淋嘅飯，帶住濃濃嘅椰香，味道都幾清爽，唔會太溜。
西班牙黑毛豬薄餅，餅底又薄又脆，火腿鹹香，加埋新鮮嘅火箭菜，呢個完美嘅配搭，當然好味道。
烤羊鞍拌淡香青咖哩，燒得燶燶地，羊架肉質幾嫩滑，又唔太羶，通常羊架都係配薄荷醬，今次配青咖哩，又幾清新喎。其實自己對羊架只係一般，但見倒只有7歲嘅姪仔，成件揸住離咬，食到津津有味，黏黏脷，相信呢個羊架，的確係滋味滿分。
煙燻烤安格斯肉眼扒，上次食過一次，覺得好好食，所以今次要再食，一樣覺得咁正，好 juicy， 又有肉味。
食完飯，梗係要叫返D，佢哋嘅甜品名物啦，先叫咗個二人份量嘅 High Tea Set，好多款式，每件細細地，做得好別緻。牛油提子鬆餅，牛油味好香濃，又唔太乾，當然要搽滿 Clotted Cream，夠曬好味。煙三文魚多士，三文魚好新鮮，又唔會過鹹，配埋個脆脆地嘅多士，口感唔錯。野菌酥盒，酥餅好鬆脆好香，野菌好清爽，唔會太油膩。綠茶布丁，綠茶味唔算太濃，不過質地都幾滑溜。鮮雜果蛋沙律，好有蛋味，生果又多又新鮮。仙人掌忌廉撻，仙人掌第一次食，味道好清，感覺有D似啫喱。而我最鍾意個君度忌廉紅莓朱古力脆餅， 顏色好靚，造型又靚，好鍾意，脆餅嘅朱古力味好重，忌廉又幼滑，同酸酸地嘅紅莓味道真係好夾。果仁金寶咖啡蛋糕，用嘅係有 60 年歷史嘅咖啡品牌 Cafes Novell 咖啡粉製成，真係唔簡單，味道好香醇，口感非常唔錯。紫薯泡芙，Espuma D 紫薯甜品，真係做得好出色，紫薯味好濃，甜度啱啱好。
食咗個 High Tea Set ，仲想食多少少甜嘢，都係忍唔住，我哋又叫咗個紫薯窩夫配雪糕，窩夫係新鮮泡製，外脆內暖，口感好好，加埋D顏色好靚嘅紫薯吉士、香甜嘅士多啤梨同埋朱古力雪糕，睇頭十足，仲有果幾枝朱古力醬同朱古力碎，實在令到在坐嘅小朋友忙到氹氹轉，左溝右溝，當正自己係科學家咁，溝完一大輪，一陣又比佢哋食清光。
食過甜品之後，叫埋杯招牌水果茶，味道香甜又暖心，水果又多又新鮮，每次必叫嘅飲品。
家人叫咗鮮橙汁茉莉綠茶，味道好清新，又有橙香，配搭都幾新鮮。
星期日同家人喺一個咁舒服嘅地方，一齊食吓嘢，邊玩邊傾計，真係覺得好幸福。
张贴
