影片
更多
2018-05-26
393 浏览
灣仔喜帖街一帶一向都多美食，今次響朋友介紹下嚟到呢間西班牙餐廳，由於餐廳廚房採用開放式設計，一入門口已經聞到烹調中嘅美食嘅香味，坐低之後亦都可以欣賞到廚師高超嘅烹調廚藝，感覺真係非常之好。我地首先點左一個海鮮湯 Seafood Bisque，用上虎蝦同埋蛤蜊作為食材，湯味非常鮮甜開胃，相當唔錯。頭盤我地揀左 Octopus Salad 章魚🐙沙律，各種酸酸甜甜的水果包括橙同草莓再配上非常香口的香煎章魚粒真可謂最完美的前菜，章魚粒在開放式廚房中烹調時已傳出陣陣香味，食落亦非常之香脆可口，醬汁處理亦非常配合地成功帶出左章魚嘅鮮香美味，呢道前菜真係令人非常驚喜，誠意推薦！小食方面我地叫左一道 Truffle Bikini 松露藍芝士三文治，呢個三文治用上超多松露同埋藍芝士，香脆可口味道一流，係另一道絕對值得一試嘅招牌菜式。主食方面我地揀左一碟意粉同一客肉食，先講意粉，呢道 Crab Meat Pasta 蟹肉意粉用上左車厘茄醬汁，色香味俱全，充足嘅蟹肉絲令整道意粉格調提高不少，非常出色。壓軸出場嘅另一道肉食係我認為全部菜式中最出色嘅一道！呢個 Cochinillo 慢煮BB乳豬經過了長達12
我地首先點左一個海鮮湯 Seafood Bisque，用上虎蝦同埋蛤蜊作為食材，湯味非常鮮甜開胃，相當唔錯。
頭盤我地揀左 Octopus Salad 章魚🐙沙律，各種酸酸甜甜的水果包括橙同草莓再配上非常香口的香煎章魚粒真可謂最完美的前菜，章魚粒在開放式廚房中烹調時已傳出陣陣香味，食落亦非常之香脆可口，醬汁處理亦非常配合地成功帶出左章魚嘅鮮香美味，呢道前菜真係令人非常驚喜，誠意推薦！
小食方面我地叫左一道 Truffle Bikini 松露藍芝士三文治，呢個三文治用上超多松露同埋藍芝士，香脆可口味道一流，係另一道絕對值得一試嘅招牌菜式。
主食方面我地揀左一碟意粉同一客肉食，先講意粉，呢道 Crab Meat Pasta 蟹肉意粉用上左車厘茄醬汁，色香味俱全，充足嘅蟹肉絲令整道意粉格調提高不少，非常出色。
壓軸出場嘅另一道肉食係我認為全部菜式中最出色嘅一道！呢個 Cochinillo 慢煮BB乳豬經過了長達12小時嘅慢煮處理後再燒烤，肉質非常幼滑鮮味，更為優秀嘅一點在於伴碟嘅菠蘿粒，眾所周知燒乳豬好易令人感覺肥膩，而運用菠蘿伴碟就可以令肥膩感因此得以消解，但餐廳並唔係單單使用新鮮菠蘿切粒伴碟咁簡單，而係在表面上加上左焦糖，因此乳豬肉同伴碟嘅菠蘿都同時經過左燒烤處理，不單味道上互補不足，而且煮法上可謂相得益彰，從呢種細節可以睇出廚師對客人嘅用心。
呢間餐廳每一道菜都處理得非常精緻，係呢度用餐感覺真係相當夢幻！
最後仲想補充一點，呢間餐廳嘅服務水準真係一流，由一坐低服務員就已經好仔細為客人介紹餐牌，而且用餐過程又不時為客人更換餐具，每個細節都可以體現出餐廳對客人嘅高度重視，令我對呢間餐廳有好深刻嘅良好印象，真係非常之好！
张贴
