夢の丼 (已結業)

夢之丼招牌菜式，集合曬我最鍾意的食材！飯嘅base加入自家製赤醋外，仲有三文魚蓉！還時不時都會食到三文魚子爆汁。兩大粒帆立貝，好厚身，口感較滑身。不過，最嫩滑係牡丹蝦，甜度高，持續回甘的蝦味！海膽、松業蟹就有點綴之意~多元化、令我胃口大開！花錦魚生丼好似花一樣色彩繽紛，每款魚生切成粒，有三文魚、三文魚子，更有一些比較冇咁平凡嘅魚生例如白身魚、左口魚邊等，提升層次！中間有隻生蛋。一戥即流心🤪畫面好自癒🤩除咗飯，都想試吓啲刺身😋磯燒帆立貝、柔煮鮑魚都好出色！特別係個鮑魚非常柔軟，好易咬開。季節刺身都係店員推介。今日係:真鯛、深海池魚，唔會好腥，有魚味。右口魚邊壽司係有燒過的魚邊，咬落有魚油香氣！加入鰹魚碎，令日本料理更有「魂」！