咖啡灣 (已結業)

之前已經去過荃灣嗰間分店，覺得咖啡灣無論係食物，環境同服務質素都好好，知道佢喺將軍澳開左分店，所以都即刻嚟試下分店係咪都做到水準如一。分店環境同荃灣一樣，都係走夢幻童話風，我覺得咖啡灣嘅環境都幾適合帶小朋友，女朋友嚟開餐。蜜糖炸雞粒併薯條沙律炸雞都夠大件，而且佢嘅皮好薄脆，再加上芝士粉，增加左件炸雞嘅豐富度，食到底都見唔到個碟有好多油👍🏻炸雞伴有3種醬汁，可以滿足到唔同人嘅口味，而我自己就覺得黃色嘅芥末醬同呢碟炸雞最match手作特級和牛漢堡大大個漢堡一睇就知好足料，裡面嘅牛肉夠厚夠juicy，而且蕃茄同埋生菜都好新鮮，下次嚟嘅話都會再order呢個漢堡!樓上講嘅兩個菜式都有配薯條，雖然話係配菜，但佢美味嘅程度一d都唔輸蝕！炸到條條乾爽，外面脆之餘，細心品嚐下仲會覺得裡面嘅薯仔好滑😋