Le Viet (已結業)

扎肉薰蹄米紙卷$42，共有4件，包得脹卜卜，份量夠晒足，米紙原來帶有輕微煙煙韌韌口感，最緊要點埋隔離個汁，酸酸地幾醒胃，食到好重檸檬味。牛油雞翼$72，共有5隻，平均每隻都要14.5蚊，但確係幾好味，未食已經聞到好香牛油味，食落有牛油和蒜粒既味道，炸得好鬆脆，雞翼亦都鎖住肉汁係入面。辣椒膏炒肉蟹$358，炒得好惹味，我覺得個汁調較得幾好，只係微微辣，蟹鉗點一點d汁，真係好美味。綠豆拉椰糕$33，同樣煙煙韌韌，口感唔錯。