爺爺雞煲皇 (美景街) (已結業)

去咗土瓜灣搵食，最後都係要打邊爐。 呢個雞煲真係唔講得笑，佢嘅麻辣好惹味同埋個辣味係慢慢滲出嚟。 暫時係我食過咁多間雞煲裏面最好食嘅一間。佢個魚皮超薄，勁脆，有少少好似薯片咁嘅感覺。如果唔係怕肥一定會嗌多一碟。個響鈴都好正，好鬆化，直頭好似食蛋卷咁。手切肥牛夠新鮮，有牛味，如果細食嘅唔使嗌咁多， 因為個雞煲真係好足料。順帶一提，嗰度啲姐姐好有禮貌，照顧好周到。 閒時就會過嚟問下你夠唔夠食，使唔使加單。 最重要係你覺得佢係怕你唔飽而唔係想賺盡你 🤣