蠔灣 (水星街)

营业中

休息中

好耐无食过生蚝，见朋友生日同佢去蚝一蚝先。而家疫情严峻去餐厅食饭都好注重卫生，佢地做得唔错！我地叫左一打生蚝，都系介绍店员，由淡口到浓味，生蚝新鲜只只都好有海水味，肉质肥美，口感几爽口。我好中意北海道活赤贝好爽口弹牙，北海道带子粒厚肉，几鲜味，纽西兰深海龙虾仔肉质弹牙，车厘蚬好肥美但有少少腥，要加柠檬汁。安格斯肉眼扒伴沙律配自家制洋葱汁我地叫左5成熟，好重牛肉味，肉质嫩滑，好软林 加左洋葱汁好惹味。清酒蒜蓉煮活蚬汤大大只嘅蚬，鲜甜肥美，个汤带少少清酒味唔会太浓。