影片
更多
2016-08-09
119 浏览
Happy Friday，喺element睇完戲想食下野，商場餐廳已經陸陸續續收門，落到element對面的佐敦一帶搵食，係呢度食過串燒，烤魚等，好多野食㗎，是晚已食過晚飯，純粹想過下口引，見到有糖水舖，又有魚蛋腸粉等，啱哂，拉大隊過黎食下野吹下水先。篤腸粉最正係多醬，呢度放哂係枱自己加，正呀正呀，多麻醬吖唔該！另外燒賣魚蛋要加辣油先啱味，辣醬硬係差啲，呢度一樣有辣油任加，正，不過唔係好辣，都加左幾多下 咖哩魚蛋 $6ea x2要了兩串魚蛋，都幾爽口幾彈牙，但無乜咖哩味，落左辣油就一樣好味。燒賣 $6ea x2燒賣亦要了兩串，蒸得剛好好煙韌，甜豉油加辣油十分好味，燒賣都係街篤嘅好味過自己蒸。雄記炒麵 $17招牌炒麵炒得幾香，好大碟，配料亦下得不少，唯一挑剔嘅係有啲鹼水味。 鹵水雞翼 $16很入味，雞翼好嫩滑，一人一隻唔夠喉添，encore！腸粉 $8甜辣麻醬都係自己加的，腸粉煙韌，多醬下十分好味 都未影相班友仔已篤咁幾條走，可見腸粉嘅吸引力有幾大。粉果 $10即叫即蒸呢，都等左幾耐，皮好彈牙，餡料飽滿，花生好香口啊。香蕉奶昔 $25朋友叫的香蕉奶昔，香蕉控嘅佢話蕉味好濃，奶又香又滑
篤腸粉最正係多醬，呢度放哂係枱自己加，正呀正呀，多麻醬吖唔該！
另外燒賣魚蛋要加辣油先啱味，辣醬硬係差啲，呢度一樣有辣油任加，正，不過唔係好辣，都加左幾多下
咖哩魚蛋 $6ea x2要了兩串魚蛋，都幾爽口幾彈牙，但無乜咖哩味，落左辣油就一樣好味。
燒賣 $6ea x2燒賣亦要了兩串，蒸得剛好好煙韌，甜豉油加辣油十分好味，燒賣都係街篤嘅好味過自己蒸。
雄記炒麵 $17招牌炒麵炒得幾香，好大碟，配料亦下得不少，唯一挑剔嘅係有啲鹼水味。
鹵水雞翼 $16很入味，雞翼好嫩滑，一人一隻唔夠喉添，encore！
腸粉 $8甜辣麻醬都係自己加的，腸粉煙韌，多醬下十分好味 都未影相班友仔已篤咁幾條走，可見腸粉嘅吸引力有幾大。
粉果 $10即叫即蒸呢，都等左幾耐，皮好彈牙，餡料飽滿，花生好香口啊。
香蕉奶昔 $25朋友叫的香蕉奶昔，香蕉控嘅佢話蕉味好濃，奶又香又滑，好好飲喎。
宇治金時紅豆冰 $29自己點左呢杯，綠茶味不算很濃，下層係紅豆沙，飲到有果皮呢，咁樣夾埋又幾match喎，可以飲嘅紅豆沙，好味又不過甜。
楊枝金露 $30朋友點的，芒果香甜，柚子小小苦澀，好香甜。
芒果紫米露 $25仲點左紫米露，煙煙韌韌有口感，甜甜地好味喎，呢度啲糖水唔錯，甜度適中又足料。
冷氣好涼，食物好味，下次都黎呢度吹水先。
张贴
