影片
更多
2023-01-03
55 浏览
2022年，你過得容易嗎？手機彈出「當年今日」嘅照片，翻開細看原來一年前嘅12月亦曾經嚟到 L’AMOUR 用膳，剛好一年再踏足，餐廳自然已換上新菜單，冇變嘅，係整個賞心悅目嘅餐飲體驗。大埔比較多嘅係小食同茶記，幾年前難得有主打fine dinning嘅法國餐廳L’AMOUR 落戶，由中環名酒店出身嘅行政總及團隊經營，所以記憶點甚深，數數手指曾三次來訪都係慶祝朋友生日，由嘢食、服務到視覺享受都值得我再三回訪。喺自己嘅小區可以用咁親民嘅價錢就食到一餐精緻高級法國料理，抵讚！‑ ‒ – • 蝶豆花木魚清湯．鯛魚刺身 • 雞肉忌廉湯 • 特級魚子醬多士 • 焦糖法國鵝肝撻 • 香煎法國鵝肝．日本A5和牛肉眼 • 慢煮西班牙黑毛豬鞍．焦糖蘋果 • 特濃朱古力蛋糕 • Tiramisu • House Wine • Sexy On Tree‑ ‒ – 蝶豆花木魚清湯．鯛魚刺身明顯係一道開胃菜。偏紅色嘅蝶豆花木魚清湯本身清淡無比，內裡係薄片鯛魚刺身，賣相有如一幅河塘美畫。小玻璃瓶內嘅係酸料，可以隨喜好加入，有提鮮作用。雞肉忌廉湯超級足料，每一匙都咬到一塊塊雞肉，仲有蔬菜顆料
大埔比較多嘅係小食同茶記，幾年前難得有主打fine dinning嘅法國餐廳L’AMOUR 落戶，由中環名酒店出身嘅行政總及團隊經營，所以記憶點甚深，數數手指曾三次來訪都係慶祝朋友生日，由嘢食、服務到視覺享受都值得我再三回訪。喺自己嘅小區可以用咁親民嘅價錢就食到一餐精緻高級法國料理，抵讚！
‑ ‒ –
• 蝶豆花木魚清湯．鯛魚刺身
• 雞肉忌廉湯
• 特級魚子醬多士
• 焦糖法國鵝肝撻
• 香煎法國鵝肝．日本A5和牛肉眼
• 慢煮西班牙黑毛豬鞍．焦糖蘋果
• 特濃朱古力蛋糕
• Tiramisu
• House Wine
• Sexy On Tree
‑ ‒ –
蝶豆花木魚清湯．鯛魚刺身
明顯係一道開胃菜。偏紅色嘅蝶豆花木魚清湯本身清淡無比，內裡係薄片鯛魚刺身，賣相有如一幅河塘美畫。小玻璃瓶內嘅係酸料，可以隨喜好加入，有提鮮作用。
雞肉忌廉湯
超級足料，每一匙都咬到一塊塊雞肉，仲有蔬菜顆料，整體creamy都幾飽肚。
特級魚子醬多士
又一道賣相精緻無比嘅菜式。烘得香脆嘅麵包舖上矜貴魚子醬，每一口都帶有魚子醬嘅咸香。
焦糖法國鵝肝撻
蛋撻與鵝肝𧗠生出呢個相當有驚喜嘅組合，酥皮蛋撻蛋香味濃，蛋上放上法國鵝肝粒粒，再擦上焦糖，入口甜咸交織，味道好討喜！
香煎法國鵝肝．日本A5和牛肉眼
額外加錢可升級至A5 和牛，四成熟恰到好處，日本和牛脂肪比例高入口牛味香濃，肉質嫩滑相比。配上法國鵝肝吃，風味更佳。
慢煮西班牙黑毛豬鞍．焦糖蘋果
份量適中，慢煮下豬鞍肉質細嫩，配上焦糖蘋食相當清新。
甜品方面有hommemade嘅特濃朱古力蛋糕同埋Tiramisu，前者朱古力味極濃郁，口感結實。至於Tiramisu就較為輕盈，唔錯。
飲品cocktail 同mocktail都好啱打卡，特別係個波波泡嘅效果，值得叫返杯嚟打打卡！
张贴
