影片
更多
2016-12-27
1612 浏览
我同老公老系千味烧嘅常客老公唔中意其他串烧店既深圳风味，皆因乜都加孜然粉同大量调味料，所以千味烧嘅粤式串烧系我哋嘅至爱由开业至今食过不下二十次，终于舍得打下食评，相片系前两日买左外卖反屋企影既呢度有室内有室外，室内系楼上有冷气，但我们独爱室外食，以前系坐街边，而家系有瓦遮头既位置，泊车方便，望住架车食又系别有一番风味唔好谂住系街食就污糟又唔卫生，小女子系肠胃差到不能够再差既人，但每次食完都无事，就知卫生情况系无问题啦，佢地亦系用即弃既餐具，虽然有点不环保，但胜在卫生一定有保障！最惊曱甴既我系曱甴sensor，视线范围之有曱甴就wewa鬼叫，但系呢度我只系见过一次咁大把，之后次次食都无见过，所以怕曱甴而唔敢食街边野既你地唔洗怕啦！以下介绍嘅食物绝对系必食，食过一定翻寻味翠玉瓜咬落去啖啖都系汁，好清甜既翠玉瓜，烧到啱啱好熟哂，谂起都流哂口水，每次去我都最少食两串！汁烧冬菇好香冬菇味，加上佢地既烧汁去食真系一流呀！多春鱼烧到皮脆然后d鱼子完全唔苦，咬落去bibibaba好爽呀！本人唔系太食辣，食亲多春鱼都要点少少辣粉去食，好惹味！烧鸡脾系我同老公至爱，鸡脾皮脆肉软，咬落去啖啖都系肉，次次都会
老公唔中意其他串烧店既深圳风味，皆因乜都加孜然粉同大量调味料，所以千味烧嘅粤式串烧系我哋嘅至爱
由开业至今食过不下二十次，终于舍得打下食评，相片系前两日买左外卖反屋企影既
呢度有室内有室外，室内系楼上有冷气，但我们独爱室外食，以前系坐街边，而家系有瓦遮头既位置，泊车方便，望住架车食又系别有一番风味
唔好谂住系街食就污糟又唔卫生，小女子系肠胃差到不能够再差既人，但每次食完都无事，就知卫生情况系无问题啦，佢地亦系用即弃既餐具，虽然有点不环保，但胜在卫生一定有保障！最惊曱甴既我系曱甴sensor，视线范围之有曱甴就wewa鬼叫，但系呢度我只系见过一次咁大把，之后次次食都无见过，所以怕曱甴而唔敢食街边野既你地唔洗怕啦！
以下介绍嘅食物绝对系必食，食过一定翻寻味
翠玉瓜咬落去啖啖都系汁，好清甜既翠玉瓜，烧到啱啱好熟哂，谂起都流哂口水，每次去我都最少食两串！
汁烧冬菇好香冬菇味，加上佢地既烧汁去食真系一流呀！
多春鱼烧到皮脆然后d鱼子完全唔苦，咬落去bibibaba好爽呀！本人唔系太食辣，食亲多春鱼都要点少少辣粉去食，好惹味！
烧鸡脾系我同老公至爱，鸡脾皮脆肉软，咬落去啖啖都系肉，次次都会争食烧到好香既软骨位，正呀！
鸡中翼啖啖都系好香既皮同好入味既肉，我呢个自己一个都食两串！
鸡脆骨一份有三串，独食一份都唔够喉！
京葱安格斯牛柳粒系某次老公朋友点左，我食佢一粒，吓？竟然串烧既牛柳粒都可以烧到完全唔sip牙又香软，师傅手势好好，一啖牛柳一啖京葱简直系绝配！即场encore添呀！
三款雪花牛肉卷都好正，牛肉既油脂加上夹住既蔬菜系完全唔会觉得肥腻，无得顶！
坚手打墨鱼丸同坚手打黑椒牛丸系食得岀好坚！真心坚手打，最憎食机整丸类既我一食便知龙与凤，又系误打误撞食过一次之后就次次都要嗌呢个！
烧芥兰系我食得最开心既，老公每次都会将最入味最香既叶位食哂，然后将个又香又多汁既菜框比我食，唔食菜叶既我最中意就系食芥兰喇！
食串烧梗系要饮鸡骨草或王老吉中和下，如果中意饮酒既朋友就记得要自备喇
由于次次都系食必食既呢堆串烧，食完都饱哂，无位食其他野，下次试新野再介绍比大家知必食串烧！
张贴
