影片
营业时间
今日营业
19:00 - 02:00
星期一至日
19:00 - 02:00
公众假期
19:00 - 02:00
公众假期前夕
19:00 - 02:00
以上资料只供参考，请与餐厅确认详情
-
网上订座服务暂停
红磡串烧点只美x佳，仲有好多选择！今次呢间默默地扩张，由原先主打外卖🥡，到依家有埋楼上雅座，需要呼吸嘅朋友🚬可到楼下有丫遮头嘅专用区，有feel🤌🏻做串烧已经够热，仲要行上行落送餐，哥仔服务态度依然超级好、好talkative🫶🏻。呢到应该系冇酒牌，店家非常欢迎大家自携饮料食品🍺🍨，𠮶日佢仲帮我扔埋七仔胶袋，rearrange过枱上嘅调味料摆位，等我食得就手啲🥹当晚自己去叹happy Friday，嗌咗4款食物，样样都烧得好用心❤️ 调味料齐备，辣粉孜然粉随便落，为串烧味道加分，难怪有咁多熟客👍🏻🟠 秘制蒜蓉烧原条茄子｜$32条小编食串烧必嗌🍆！ 好淋好油润，一刮轻易离肉，烧得非常资格💜 香蒜落得好重手，蒜味猛烈到有啲over，食到苦味🧄 🤏🏻烧汁肥牛金菇卷｜$21串调味刚刚好，烧得juicy到滴晒汁💦 牛肉滑嫩一啲都唔干鞋，金菇好爽好脆完全唔黐牙，呢点好难得！🙌🏻 可惜太少太细旧，份量满足返啲就好🥲盐烧猪大肠｜$17串一次食到两重口感🤤 外层烧到薯片咁脆，入面保留大肠嘅软韧，又一啲唔难𡁻。小编身为大肠星人表示肠味 (有人会觉得系异味) 可以再浓烈啲😛爆浆芝心丸｜$18串打边炉至爱！烧嘅都系第一次食。原来质地会有韧性咗，芝士浆就变得绵绵的，丝滑地溜入口中，几特别😙🟣 唯一要挑剔嘅系，网络支援唔到佢个手机落单，又要走返落去改为人手落单，有弄巧反拙嘅感觉
继续阅读
整体环境都ok 企理，有楼上冷气位，坐得都几舒服。仲有啲日本居酒屋既feel。野食黎讲烧得好香口，唔会好干身，都唔会overcooked/undercooked 火喉同时间控制得啱啱好。调味都适中，食完唔会话好口渴。好食。今次点左牛柳粒，韭菜串，金菇肥牛卷，芦笋肥牛卷，鸡翼，牛丸，芝心丸… total 十几样野再加两罐野饮，都系四百蚊松啲，几抵食。另外老板十分热情同健谈，态度亦都好好，feel到老板系用心去经营。小店要多多支持！
继续阅读
环境路边有盖单边摊档，另设有有冷气阁楼 ，悉随尊便。点餐纸增加新食物及厨师推介，原来刚转了新老板2 个月。食物质数提升不少，烧烤手势够火喉最怕串烧一系烧过火黑漆漆或烧得吾够温吞吞点名赞食物串烧鱼片头外脆够弹牙，食物原材料高。烧蚝用锡纸杯盛载连同金菇垫底烧烤，保留原汁原味，仲有－口蚝水喝到😝总体烧烤手势用心够火候，原材料质数靓咗，食物烧得外脆内软，加埋街坊价钱，招呼亲切，烧烤手势比得上日本串烧。多多支持小店生存。
继续阅读
放工OT咗阵，同同事吹下水食d嘢，响宝石戏院行前d有阵阵串烧香味，贡咗入去呢间千味烧。有阁楼坐位、我地拣坐地舖坐位，有d大排档地道feel. 笳子烧得非常好，娃娃菜(记得叫佢加多些蒜)劲好味、蚝同烟肉露笋串我地encore咗两round, 今期扇贝做买一送一，有我最钟意羊架…本来谂住求其食少少 (呢排下午茶食散水饼食得太多好滞)，结果叫到一枱都系😅 同老板倾咗两句，原来新顶手经营。小店但食物水准做得不错。
继续阅读
经过好多次，次次都见到有人喺餐厅隔离饮啤酒食串烧…….有一日肚饿经过决定试吓。印象中系买咗90几蚊食物，攞返屋企食左几分钟，已经冇晒。果下系完全嘅空虚感。佢嘅份量真系好小。或者话串烧唔系用嚟填饱肚嘅食物，只系同啤酒绝配嘅小食，同朋友小聚时享用嘅小菜。 咁样理解会好点吗？
继续阅读