更多
2016-11-22
7339 浏览
今日媽媽話想人陪,想出街食,佢話突然想食刺身,又話要出旺角買廚具,咁就同佢去附近食放題。入去見到有兩大個雪櫃,有啤酒,香港同韓國汽水之外,仲有枝裝鴻福堂同菓汁先生,啱矖行得耐左又口渴既我地。刺身拼盤怎能錯過?有厚切油甘魚同劍魚 ,唔太肥膩,唔會因為食得多而好快食唔到其他美食! 而三文魚油份平均,有丁點香味。帶子就被剪成細粒, 有啲碎濕濕既感覺,唔係咁鍾意。盬燒牛舌軟而爽, 厚薄適中,燒得有啲香脆,雖然未到入口即溶既地步,但都算上品,我中意夠晒鹽夠咸。燒雞翼,只有小小盬,唔會太咸,外皮仲脆卜卜,肉又厚,完美。叉燒拉麵 送你型,只係細嚐,但係放題差唔多啦,食咁多好快飽!豬骨湯底竟濃厚,拉麵”細細住“亦夠彈牙,有細細粒既葱花增添湯底香味,日本叉燒就有啲鞋,好似“老”左少許。燒蠔,蠔上面有啲秘製沙律汁, 甜甜地, 蠔雖然細,但都鮮甜的。個面都被燒得有少少焦,很香口。大家都喜歡燒菠蘿,很多水,一啖咬落去,汁都流出來,而且暖暖的,食落很開心。呢度有甜品櫃,有唔同款的朱古力味甜品, 牛奶布甸同馬卡龍等。 但都好飽了,食佢送既movenpick 雪糕,有4種味朱古力,雲尼拿,布甸同士多啤梨味。 我選左
张贴