麵檔 (已結業)

最近灣仔新開咗間麵店，入面裝修好有地道嘅港式味道，座位又闊落，坐得好舒服。今晚我哋嚟，除咗麵食，仲有飯可以選擇🥰呢度嘅車仔麵真係好正，餸料選擇非常豐富❤️我哋點咗五餸麵，仲加多左兩個餸😋潮汕牛丸彈牙爽口，魚肉春卷外脆內嫩，五香牛肺味道濃郁，雞翼，豬紅滑潤，南乳豬手更係入味十足，酸甜齋好開胃，配上粗麵，食到好滿足🤤我哋仲試咗蔥油脆豬扒蛋飯套餐，前菜係川味皮蛋，脆豬扒炸得金黃香脆，外層酥脆，內裡肉質鮮嫩，搭埋煎蛋滑溜溜，仲有香醇嘅豉油，味道層次分明🥳而鮑汁雞腳更係香滑可口，肉質軟嫩，醬汁入味🤩食車仔麵點可以唔跟可樂😆我地要左可樂同柚子蜜😍