MUM 日常野菜料理 (已結業)

呢日喺新蒲崗想食得健康啲，突然諗起呢間以前喺逸東酒店嘅素食餐廳，所以嚟食咗日常定食(四項料理$129) 喇☺️⭐️ 柚子醋漬蕃茄 ❤️8.0⭐️ 本菇茶杯蒸 ❤️7.8⭐️ 蘿蔔冬菇車麩關東煮 ❤️7.8⭐️ 赤味噌田樂豆腐❤️7.5定食仲有味噌湯、麥茶同五殼雜炊飯，十分健康☺️ 茶杯蒸超級滑溜👍🏻 而關東煮所有材料都十分入味，特別係車麩索曬啲湯☺️赤味噌田樂豆腐係所有菜式入面味道最濃嘅，用嚟撈飯啱啱好，不過如果豆腐可以再厚身啲份量再多啲就更好～ 四款入面我最鍾意冷盤嘅柚子醋漬蕃茄，十分清新開胃，夏天食啱曬😍 呢間餐廳嘅整體味道偏啖，當大家想清清地食吓健康嘢嘅時候不妨考慮吓🙊 其實之前食過佢嘅野菜天婦羅同埋南瓜薯餅，覺得佢嘅炸物都好出色！下次嚟再叫返嚟食吓先～