村上居酒屋 (已結業)

去朗豪坊買完化妝品血拚完，老公甘乖幫手拎野同等左我甘耐，食餐日本野賞勵下他先～例牌叫個蟹籽沙律，蟹籽、青瓜絲同蟹柳絲比例幾好，好開胃。剌身叫左三文魚、甜蝦、帆立貝同我至愛既島池魚，新鮮得嚟仲要厚切，抵食！天婦羅蝦反卷同鰻魚飯CP值好高，料足之餘又好味。清酒煮蜆好鮮甜，蜆肉脹卜卜厚肉兼無沙。鵝肝煎得啱啱好，配埋沙律同多士食，唔會太漏炸雞軟骨好食，食落唔會成口炸粉，老公好快掃左半碟甜品叫左日本櫻花水信玄餅，口感清甜，晶瑩通透既外層，加上櫻花的點綴，好靚！